Sette orchidee macchiate di rosso
|
C'l artìcul chè 'l è scrit in
Miranduléś |
 Sette orchidee macchiate di rosso
| ||
 Antonio Sabàto e l'Uschi Glas in na figùra dal film | ||
| Sèt urchidéi maciàdi 'd rós 1971 | ||
|---|---|---|
| Regìa: Umberto Lenzi | ||
| Scritōr: Umberto Lenzi • Roberto Gianviti | ||
| Atōr: Antonio Sabàto • Pier Paolo Capponi Rossella Falk • Uschi Glas • Petra Schürmann Marisa Mell • Marina Malfatti • Renato Romano | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 91 minüt | ||
| Nasiōṅ: Itàglia • Germàgna Òvest | ||
Sette orchidee macchiate di rosso (Sèt urchidéi maciàdi 'd rós) 'l è 'n film śal dal 1971 'd Umberto Lenzi.
In di marcâ ingléś 'l è cgnusû cuma Seven Blood-Stained Orchids, in Spaggna cuma Siete orquídeas manchadas de rojo, in Germâgna cuma Das Rätsel des silbernen Halbmonds e in Frància cuma Le tueur à l'orchidée.
Sunt
In un parchéǵ ad Róma, in dua ad nòt a gh'è 'n gir ad putàni, 'n óm 'l in cata sù una in màchina, la Marcella dita la tuscàna (Lina Franchi), e pò al la cópa in di malghét cun na bara 'd fèr. Dòp avér-la masàda al gh mét na mèśalùna 'd argìnt in dla maṅ. A s trata 'd un sasèṅ seriàł ch'al s la tōś cun dal dóni e pò al firma i sò masamènt c'n un cióndul lasâ in si cadàvar. La pulisìa, c'n a cap 'l ispetōr Vismara (Pier Paolo Capponi), la n sà c'sa far parchè la secónda vitma, la pitōra americàna Kathy Adams (Marina Malfatti), la n gh'iva gnint da spartìr cun la rója.
N'atra dóna in luna 'd mēl su 'n trên cun sò marè Mario (Antonio Sabàto), la Giulia (Uschi Glas), la prév èsar la tèrsa vitma ma la s salva p'r un pēl. La pulisìa però la fà créd'r a tut ch'la sia mòrta dabòṅ sprand 'd inciuldàr al masadōr durànt al sò funeràł. A la dóna, ch'in cal méntar la s lóga, a gh vèṅ in mènt che dū an prima 'l éra stada in 'n hutèl a 'l mâr insém a cal dóni là cupàdi. Ólt'r a lē, i gh'èṅ armàśi na dóna paranòica, l’Elena Marchi (Rossella Falk), e la sgnōra Sartori (Marisa Mell).