Sebastian Vettel

C'l artìcul chè 'l è scrit in Miranduléś

Sebastian Vettel (Heppenheim, 3 ad Luj dal 1987, a s lèś [zeˈbastjan ˈfɛtəl] in tedésc, “Śebàstian Fètel” a la miranduléśa cun la “S sunòra” ad “śéndar” a 'l inìsi) 'l è 'n pilòta 'd màchini tedésc ad Formula 1 dla Scuderia Ferrari, vinsidōr ad quàtar campiunâ 'd fila fra 'l 2010 e 'l 2013 (dòp un secónd pòst in dal 2009). 'L è élt 175 cm, al péśa 62 chilo e al cur c'n al nùmar sinc in sal casc. 'L è bòṅ ad dascór'r anc in itagliàṅ.

In dla sò caréra 'l à muciâ dimóndi record cuma 'l più śōv'n a 'vér vins un gran prèmi e 'n tìtul mundiàł, fat na pole position e avér fat sù più punt in na stagiòṅ (397 in dal 2013). Inóltar 'l è anc al prim par nùm'r ad pole position in na stagiòṅ (15 in dal 2011) e ad gari vinsi (13 in dal 2013 cuma Michael Schumacher).

In dla sò caréra 'l à curs par la BMW Sauber, par la Toro Rosso ad Fënza, par la Red Bull (sèg 'l à vins la sò prima gara sóta la piōva a Mónśa in dal 2008) e par la Ferrari da 'l an 2015 quànd 'l à lasâ la squàdra austrìaca par Maranèl.

Cun la cà emigliàna 'l à purtâ a cà dū sucès (in Malèśia e in Ungherìa) e àtar sinc pòdi.

Culegamènt estéran

(EN)/(DE) Al sò sit uficiàł