C'l artìcol chè 'l è scrit in Carpśàn Emiliàn

Un scud antìg da batàja scumachê.

Na scumachèda[1] (ammaccatura, pecca in itagliàṅ) l'è na bóta, ma śmicadùra o 'n śbrèg ciapê atàc a di lavōr ed materièl dur, cuma pr eśèinpi na caroserìa, dal mur, e vìa acsè. In sìm'a cal materièl lè a gh'vin n'infosadùra, na śmichèda o ch'a gh'selta vìa un pcòun.

Vlènd guardèr cuś'a sucēd in di materiē quand i ciàpen na bòta, la só elasticitê prìma la gh'restituìs indrē un pò dla forsa druèda in dal buć, la só anelasticitê la i fà deformèr tulènd vìa 'n èter pò ed cla forsa lè inisièla, ma pò quànd al cùć 'l è stê incòr tròp gròs, dòunca a cal punt lè, i materiē i se śmìchen e i se spachen.

Manéri 'd dìr

  • (CARPŚ) 'T àni scumachê 'l parafàng? (IT) Ti hanno preso contro al parafango?
  • (CARPŚ) An tōr briśa la tastèina scumachèda, ch'a gh'òm da fèr bela figùra cun la sina! (IT) Non prendere la tazzina rotta, che dobbiamo fare bella figura con la zia!

Vōś lighèdi

Noti e referèinsi

  1. (MUD) e (IT) Secònd al "Vocabolario etimologico del dialetto modenese" ed Sìlvio Cevolani edl Istituto Settecani, Mòdna, 2011, al vèreb scumachèr al prèv deśgnìr da 'l vèreb spaggnōl machucar ch'al stà per "śmichèr".

Èter progèt

Colegamèint estèren