Salvador - 26 anni contro
|
C'l artìcul chè 'l è scrit in
Miranduléś |
 Salvador (Puig Antich)
| ||
| Salvador - 26 anni contro | ||
 Leonardo Sbaraglia in na figùra dal film | ||
| Salvador - 26 an cóntar 2006 | ||
|---|---|---|
| Regìa: Manuel Huerga | ||
| Scritōr: Lluís Arcarazo • Francesc Escribano | ||
| Atōr: Daniel Brühl • Mercedes Sampietro Leonardo Sbaraglia • Joel Joan • Tristán Ulloa Celso Bugallo • Oriol Vila • Pablo Derqui | ||
| Müsica: Lluís Llach | ||
| Léngua: Spagnōl • Catalàṅ • Francéś • Ingléś | ||
| Dürä dal film: 134 minüt | ||
| Nasiōṅ: Spaggna • Régn Unî | ||
Salvador - 26 anni contro (Salvador - 26 an cóntar) 'l è 'n film biugràfic dal 2006 ad Manuel Huerga ch'al cònta la vita 'd
Salvador Puig Antich, śōv'n anàrchic ad Barcelóna, ùltim cundanâ a mòrt in Spaggna sóta 'l regìm dal generàł Francisco Franco.
La pelìcula l'è stada preśentàda a 'l 59śma edisiòṅ dal Fèstival ad Cannes in dla sesiòṅ „Un Certain Regard“.
Sunt
Salvador Puig Antich (Daniel Brühl), ligâ sentimentalmènt a la Cuca (Leonor Watling), 'l è 'n śōv'n anàrchic ad sinìstra ch'in di an Stanta al decìd ad tōr part a 'l muimènt MIL (Movimento Iberico de Liberacion), cun dal raìś a 'l èstar a Tulóśa. Insém a i sò cumpàgn marxìsta Petit (Jacob Torres), Oriol (Joel Joan), Cri-Cri (William Miller), Jordi (Pablo Derqui) e Ignasi (Oriol Vila), che pò al bandòna, al taca a far dal rapìni in banca par finansiàr la lòta e stampàr di vulantèṅ e di scrit.
Dòp la mòrt 'd un pulisiòt ad vint-a-tri an ciamâ Paco (Carlos Fuentes) durànt na redàda trapla, Salvador al vîṅ purtâ in parśòṅ in du 'l dvènta amìg dna guàrdia, Jesús (Leonardo Sbaraglia), c'n un fiōl diślèsic. Diféś par 'l avucàt Oriol Arau (Tristán Ulloa), dòp 'n atintâ dl'ETA ch'al gh'iva biśógn 'd un signàł da part dal stat, al vîṅ cundanâ a mòrt e giustisiâ cun la garrota.