C'l artìcol chè 'l è scrit in Carpśàn Emiliàn

Na guèrdia dal trafic ed Mineàpolis drē a sćiflèr da 'l só sćiflèin 'd urdnànsa.
Un putèin drē a sćiflèr dàint'r in na fója arvujèda sù.

Al 'sćìfel (fischio in itagliàṅ) l'è 'n sòun dimòndi fort e élt ch'a sèlta fóra supiènd fòrti edl'ària da 'n buśèin cìc.

A se sćìfla coi làber sìa per sintìr un mutivèt che per fèr un cumplimèint a na bèla ragàsa ch'la pasa ded lè, o per ciamèr ala bòuna 'n amîg, o anc col sćiflèin, strumèint cichìn c'ma quêl di purtēr dal fuśbòl o quêl di vìgil dal tràfic.

Manéri 'd dìr

  • (EGL) A 'm sćiffla gli urèci,[1] a ghe srà quelcdùn ch'al 'm pèinsa, (IT) Mi fischiano le orecchie, ci sarà qualcuno che mi pensa.
  • (EGL) 'T piêś'n-i, i sćiflunsèin cui faśō? (IT) Ti piacciono i fischietti coi fagioli?

Noti e referèinsi

  1. (EGL) e (IT) Dizionario del dialetto carpigiano, dal Grasiàn Malagòli e dl'Anna Marìa Ori, Mòdna 2011.

Èter progêt