C'l artìcul chè 'l è scrit in Miranduléś Emiliàn


«
I said "Well baby we've only just begun" so don't talk just kiss, we're beyond words and sound, don't talk just kiss, let your tongue fool around, let's fool a round.»
(EN)(Don't Talk Just Kiss, 1991)
«
A-j-ò dit "Vê teśôr a-j-ém péna tacâ" dònca minga dascórar ma baśa, a sém da 'd là da 'l paròli e da 'l sòṅ, briśa dascórar ma baśa, lasa ch'la tò léngua la faga di schèrs, faśém-'s un gir.»
(MUD)
Richard e Fred Fairbrass tòlt śò in dal 2009

I Right Said Fred (’T à dit bèṅ Fred) i èṅ un grup muśicàł pop ingléś furmâ in dal 1989 da i fradèi Fairbrass, Richard cantànt e Fred chitarìsta, tut dū plâ, uriginàri 'd East Grinstead in dal sud dl'Inghiltèra. In fiṅ a 'l 1997 in dal grup a gh'éra anc 'n àtar chitarìsta, Rob Manzoli. Al nóm dal grup 'l è qvél dna canta dal 1962 ad Bernard Cribbins.

In dla sò caréra i èṅ stâ bòṅ ad véndar da piò ad trénta migliòṅ ad disc, cavànd-'g-la a piasàr dal sò cansòṅ a 'l prim pòst dla clasìfica in stanta paéś, al prim grup ingléś a finìr in prima puśisiòṅ in dla Billboard c'n un sìngul ad debùt da i tèmp di Beatles.

Al prim disc “Up

Ólt'r a 'l prim disc Up, ch'l à vindû bèṅ in tut al mónd anc par via di sìngui I'm Too Sexy, Don't Talk Just Kiss e Deeply Dippy, anc al quàrt disc in studi Fredhead al gh'à abû sucès, specialmènt in Germàgna, Àustria e Śvisra.

La sò mùśica l'è stada druàda in stanta e pasa fra film, telefìlm, cartòṅ animâ e reclàm cuma Il mio amico scongelato, Prêt-à-Porter, Un party per Nick, The Simpsons e Angry Birds 2 - Nemici amici per sempre.

Discugrafìa

Al grup da 'l viṿ a Vièna in dal 2008

Àlbum

  • 1992 - Up
  • 1993 - Sex & Travel
  • 1996 - Smashing!
  • 2001 - Fredhead
  • 2002 - Stand Up
  • 2006 - For Sale
  • 2008 - I'm a Celebrity
  • 2009 - Hits!
  • 2011 - Anal Bum Fun
  • 2017 - Exactly!

Racòlti

  • 2003 - Greatest Hits
  • 2004 - Introducing...

Culegamènt estéran