Quatòrdeś biśògn fondamentêl secònd la Virginia Henderson
|
C'l artìcol chè 'l è scrit in
Carpśàn |
I quatòrdeś biśògn fondamentêl secònd la Virginia Henderson gl'ìn un schéma teòric in dal siàinsi umàni e sovertùt in quìli di infermēr.
I deśvìnen da l'esperiìnsia edl'inferméra Virginia Henderson, ch'la catèva na manéra ed capìr e mèt'r in fila i biśògn umàṅ secònd la lōr urgìnsa e prioritê, manéra cumpatìbil anca cun dal teorìi behaviurìsti.
La Henderson la publichèva el só valutasiòun e insgnamèint in dal camp infermerìstic in di só lìber "The Principles and Practice of Nursing (1955)" e "Basic Principles of Nursing Care" (1960). Incòr incō 'l elèinc di quatòrdeś biśògn fondamentêl al vin tòlt in còunt in dla formasiòun dal personêl infermēr.
Elèinc di quatòrdeś biśògn fondamentêl
- Respirèr
- Bèv'r e magnèr
- Descarghèr
- Móv'r-es e mantgnìr na bòuna postùra
- Durmìr e 'rpunsèr-es
- Vistìr-es e śvistìr-es
- Mantgnìr la tàimpradùra dal côrp in di lìmit dla normalitê
- Stèr pulî e protéger la só pèla
- Evitèr i perìcol
- Comunichèr coi só sìmil
- Agìr secònda el só credèinsi e valōr
- Mantgnìr-es ocupê per realiśèr-es
- Divertìr-es
- Imparèr
Vōś lighèdi
Noti e referèinsi
Colegamèint estèren
- (FR) I quatòrdeś biśògn fondamentêl spieghê dal'inferméra, in sìm'a archive.org.
- (FR) Na tratasiòun in sìm'a la vìta dla Henderson e a 'l só pinsér in dla reda.