Prosèmica

 Carpśàn

C'l artìcol chè 'l è scrit in Carpśàn

I sérć col distànsi ch'a s tìn dintór'n a sè stès in dl ambiìnt.

(Lēś anca eli avertèinsi generèli a 'l riguêrd di cuntgnû di artìcol dla Wikipedia)

In dal camp edla psiculugìa, la prosèmica (prossemica in itagliàṅ) l'è 'n studi a 'l riguèrd ed na comunicasiòun minga verbêl e dla puśisiòun in dal spasi ch'a s tōś in di cunfròunt ed 'n ambiìnt o 'd 'n èter. Studiōś dla prosèmica 'l era stê 'l antrupòlug Edward T. Hall in dal 1963.

In dla prosèmica a s è vist che, più a n's è minga amìg per la pèla e più a s pretènd dla distànsa. A gh'è dòunca:

• la distànsa ìntima (0-45 cm), cal spàsi dintór'n a tè dàint'r indû i s pólen śvinèr-'s i tó famigliêr o 'l murōś;
• la distànsa personêl (45–120 cm) dèint'r indû i s pólen śvinèr-'s i amìg.
• la distànsa socêl (1,2-3,5 méter), tgnuda per la comunicasiòun tra cgnusìnt o tra mìster e scolêr.
• la distànsa pùblica (ded là dai i 3,5 metri), indispensàbil in del pùblichi relasiòun.
  
  

Du persòuni ch'i s ìn śvinèdi trôp e 'gh'vìn da guardèr-'s in ghìgna.

Manéri 'd dìr

• (EGL) Fóra di pē! (IT) (lett.) Fuori dai piedi!, (fig.) Via di qua!
• (EGL) Tō-'t vìa di cuaiòun! (IT) (lett.) Togliti via dai coglioni!, (fig.) Lontano di qua!

Vōś lighèdi

• cinèśica
• lingvâǵ dal còrp

Noti e referèinsi

Colegamèint estèren

• (IT) La vóś in sìm'a 'l vucabulàri Treccani.
• (IT) D'indû a deśvìn al só nòm in sìm'a etimo.it.
• (IT) "Fatti più in là", cansòun dal Surèli Bandéra di an Estànta, in sim'a 'l youtube.