Porto mio fratello a fare sesso
|
C'l artìcul chè 'l è scrit in
Miranduléś |
 Mein Bruder, der Vampir
| ||
| Porto mio fratello a fare sesso | ||
 La Schramm e Schönemann in na figùra dal film | ||
| A pòrt mè fradèl a far sès 2001 | ||
|---|---|---|
| Regìa: Sven Taddicken | ||
| Scritōr: Matthias Pacht | ||
| Atōr: Marie-Luise Schramm • Alexander Scheer Roman Knizka • Barbara Stoll • Julia Jentsch Gottfried Breitfuss • Hinnerk Schönemann Christoph Franken • Paul Rudolph • Manuel Dollt | ||
| Müsica: Putte | ||
| Léngua: Tedésc | ||
| Dürä dal film: 93 minüt | ||
| Nasiōṅ: Germàgna | ||
Porto mio fratello a fare sesso (A pòrt mè fradèl a far sès) l'è na cumèdia dramàtica tedésca dal 2001 ad Sven Taddicken.
L'è stada giràda in dal Baden-Württemberg, a Stucàrda e a Ludwigsburg.
Sunt
Josch Klauser (Roman Knizka) al gh'à trént'an e 'l è piciâ in dla tèsta. Al s divertìs a mént'r-as in bóca na dintéra 'd Dràcula e a vistìr-as cuma lò. Al gh'à na surèla più pìcula, la Nic (Marie-Luise Schramm), ch'la pòrta 'l aparéć e la n véd l'óra 'd 'n èsar piò vìrgin. A gh piàś dimóndi tiràr śò la gint cun la sò màchina futugràfica e l'è cutrària a i fiōi ch'i nàs'n in pruvéta. Al fradèl ad mèś al s ciàma Mike (Hinnerk Schönemann) e al gh'à na muróśa ch'la lavóra in un canìl e dònca la pus' anc ad caṅ, la Nadine (Julia Jentsch). Quànd i ciùl'n in mansàrda, i sò fradèi i vàn'n in sal téǵ par tgnir-i 'd òć da 'l luminarōl. Tut e tri i vìv'n insém a sò màdar, la Marlies (Barbara Stoll), 'n èx hostess ch'l'à śmis ad vulàr da quànd a gh'è nâ Josch e ch'l'è stada bandunàda da sò marè.
Un dè, mént'r i faṅ clasiòṅ in cuśìna, Josch al diś ciàr e tónd che cuma rigàl ad cumpleàn al vrév far „Gusa-Gusa“ cun la Nadine.