Perché quelle strane gocce di sangue sul corpo di Jennifer?
|
C'l artìcul chè 'l è scrit in
Miranduléś |
 Perché quelle strane gocce disangue sul corpo di Jennifer? | ||
 La Quattrini, Lionello e la Fenech in na figùra dal film | ||
| Parcòsa cal gósi strani ad sangṿ in sal còrp dla Jennifer? 1972 | ||
|---|---|---|
| Regìa: Giuliano Carnimeo (firmâ cuma Anthony Ascot) | ||
| Scritōr: Ernesto Gastaldi | ||
| Atōr: Edwige Fenech • George Hilton • Carla Brait Giampiero Albertini • Annabella Incontrera Oreste Lionello • Paola Quattrini • Maria Tedeschi | ||
| Müsica: Bruno Nicolai | ||
| Léngua: Itagliàṅ | ||
| Dürä dal film: 97 minüt | ||
| Nasiōṅ: Itàglia | ||
Perché quelle strane gocce di sangue sul corpo di Jennifer? (Parcòsa cal gósi strani ad sangṿ in sal còrp dla Jennifer?) 'l è 'n film ad scarésa dal 1972 ad Giuliano Carnimeo che però 'l iva sarnî ad firmàr-al cuma Anthony Ascot.
Al film 'l è vgnû fóra c'n al diviét a qvéi ad manc ad daśdòt an anc parchè 'l è impinî ad bèli dóni cavàdi śò da spés.
Sunt
La mudèla ingléśa Jennifer Osterman (Edwige Fenech), dòp avér pasâ dimóndi tèmp insém a 'l sò ex marè viulènt Adame (Ben Carrà) a drugàr-as, a mét'r in òpra 'l amōr lìbar e a far dal sès a muć, la decìd 'd andàr a vìvar a Gènua cun la sò amìga Marylin (Paola Quattrini), in 'n apartamènt in un palàs dal sèntar mis a sò dispuśisiòṅ da 'l architét Andrea Barto (George Hilton). La Jennifer la taca na relasiòṅ sèg.
L'inquilìna da prima, la balarìna ad culōr ad night club Mizar Harrington (Carla Brait), l'éra stada andgàda in dal sò bagn da 'n óm vistî ad négar, masàda acsè cuma na putàna in 'n asinsōr (Evi Farinelli). La pulisìa la taca a tgnir a drē a 'l caś ma 'l cumisàri Erici (Giampiero Albertini) al n gh salta minga fóra. A s pénsa ch'a sia stâ òṅ dal cundumìni.
In cal méntar a s fà viṿ incóra Adame pròpria mént'r al manìac al próa a far fóra la Jennifer ma a n è minga lò 'l sasèṅ anc parchè 'l vîṅ cupâ. Stésa fiṅ anc par la Marylin e par la Sheena (Annabella Incontrera), na lèśbica ch'la stà lè, fiōla 'd un sunadōr ad viulèṅ, Isaacs (George Rigaud).