Pasto umano
|
C'l artìcul chè 'l è scrit in
Miranduléś |
 Live Feed
| ||
| Pasto umano | ||
 La Schappert e Lee Tichon in na figùra dal film | ||
| Past umàṅ 2006 | ||
|---|---|---|
| Regìa: Ryan Nicholson | ||
| Scritōr: Ryan Nicholson • Roy Nicholson | ||
| Atōr: Kevan Ohtsji • Taayla Markell • Colin Foo Stephen Chang • Greg Chan • Ashley Schappert Lee Tichon • Patrick P. Pon • Caroline Chojnacki Rob Scattergood • Mike Bennett • Ted Friend | ||
| Müsica: Patrick Coble | ||
| Léngua: Ingléś • Cinéś | ||
| Dürä dal film: 81 minüt | ||
| Nasiōṅ: Cànada | ||
Pasto umano (Past umàṅ) 'l è 'n film ad scarésa canadéś dal 2006 ad Ryan Nicholson.
La pelìcula l'è stada giràda in Cànada in dla British Columbia, preciśamènt a Vancouver e a Richmond.
Sunt
Darren (Rob Scattergood), la sò muróśa Emily (Taayla Markell), al sò amìg Mike (Lee Tichon), la Linda (Caroline Chojnacki) e la Sarah (Ashley Schappert) i èṅ sinc amìg americàṅ in vacànsa in Cina ch'i vōlan divertìr-'s a la nòt. In un bar, mént'r i śōg'n a bigliàrd, i cgnósan Miles Nakamura (Kevan Ohtsji), un śuvnòt giapunéś ch'al s cata lè par vindicàr sò fradèl pulisiòt Seije (Kevan Ohtsji) masâ soquànt tèmp prima da di mémbar dla màfia cinéśa.
I sinc i decìdan 'd andàr a spasàr-'s-l' in un night club ciamâ Venus Theatre, un pustàs da gusàr, anc se Miles al n gh al cunsìlia briśa parchè al sà ch'al pruprietàri 'l è 'l boss (Stephen Chang) ch'l à fat cupàr sò fradèl. Dòp avér pagâ 'l bijét a 'l vèć dla casa (Colin Foo), al grup al taca subìt a far sès, Mike e la Sarah in dla “cambra VIP” méntar Darren al mét i còran a l’Emily gusànd la Linda in dal cèso dal dóni. Purtròp par lōr al lucàł 'l è na trapla in du i furastēr i vìnan turturâ e masâ cuma in un masèl par pò èsar magnâ.
Miles, ch'in un prim mumènt 'l éra andâ via, al tórna lè par salvàr gl'americàṅ ma par Mike, la Linda e la Sarah a n gh'è gnint da far.