Olga Budina
|
C'l artìcul chè 'l è scrit in
Miranduléś |
L’Olga Alexandrovna Budina (Odincovo, 22 ad favràr dal 1975, О́льга Алекса́ндровна Бу́дина in Rus), l'è n'atōra rusa.
Biugrafìa
L’Olga l'à sèmpar sugnâ ad dvintàr n'atōra fin da pìcula. A 'l licèo in dua l'iva studiâ da baghéta, l'à recitâ in na prudusiòṅ dla fòla 'd Hans Christian Andersen, La prinsipésa in s'l arvèa. Dvintàda śuvnòta, la Budina la taca a studiàr recitasiòṅ a l'università Boris Shchukin.
In dla sò caréra, tacàda in dal 1996, l'à girâ soquànt film, anc par la televiśiòṅ, in mèś a i quài a s pōl tgnir a mènt Il diario di sua moglie (Al diàri ad sò mujér dal 2000, in dua la fà la part dla Galina) 'd Alexei Uchitel e I Romanov: una Famiglia Imperiale (I Romanov: na Famìja Imperiàla dal 2000, in dua la fà la part dl'Anastasia) ad Gleb Panfilov.
In dal 2003 la vèṅ sarnìda par far al giùdas in dal 25śum Fèstival internasiunàl dal cìnema ad Mósca.
La Budina l'è stada spuśàda cun 'l óm 'd afâr Alexander Naumov. Prima ad divid'r-as, la gh'à abû sèg 'n fiōl, ciamâ Naum.