Nude per l'assassino
|
C'l artìcul chè 'l è scrit in
Miranduléś |
 Nude per l'assassino
| ||
 Castelnuovo e la Fenech in na figùra dal film | ||
| Nudi p'r al sasèṅ 1975 | ||
|---|---|---|
| Regìa: Andrea Bianchi | ||
| Scritōr: Andrea Bianchi • Massimo Felisatti | ||
| Atōr: Nino Castelnuovo • Edwige Fenech Femi Benussi • Solvi Stubing • Erna Schürer Franco Diogene • Lia Amanda • Lucio Como | ||
| Müsica: Berto Pisano | ||
| Léngua: Itagliàṅ | ||
| Dürä dal film: 97 minüt | ||
| Nasiōṅ: Itàglia | ||
Nude per l'assassino (Nudi p'r al sasèṅ) 'l è 'n śal dal 1975 'd Andrea Bianchi girâ in Lumbardìa.
In di marcâ ingléś 'l è vgnû fóra c'n al tìtul ad “Strip nude for your killer” (Cav-at śò nuda p'r al tò sasèṅ).
Sunt
Durànt un tentatìṿ 'd abòrt minga lègał, la mudèla Evelyn la pèrd la vita p'r un arèst cardìac. Al dutōr Giulio (Filippo La Neve), par cavàr-as da i guàj, al ciàma subìt un sò amìg a 'l telèfun par far finta ch'a sia sucèsa na daśgrasia faghénd crédar ch'a gh sia vgnû 'n cōlp méntar la fava 'l bagn in cà sua. Soquànt tèmp dòp però na parsòna vistìda ad pèl e c'n un casc da mòta in cô la 'l cópa.
La ragàsa la lauràva par l'agensìa futugràfica “Albatros” dla Gisella Montani (Lia Amanda), na lèśbica spuśàda c'n un budlòṅ c'n al mâł dla lumàga e anc guardòṅ, Maurizio Pozzani (Franco Diogene), ch'al gh próa subìt cun na mudèla rivàda da pôc, la Patrizia (Solvi Stubing), ma 'l pōl vansàr parchè lì lē la n in vōl savēr. A và méj invéci a 'l futògraf Carlo Bianchi (Nino Castelnuovo) ch'al taca na relasiòṅ cun la sò culéga Magda Cortis (Edwige Fenech) dòp ès'r-as fat n'atra mudèla, la Lucia Cerrazini (Femi Benussi). In cal méntar al killer al scurtèla n'atra vitma, al fnòć Mario (Claudio Pellegrini), purtànd-ag via na foto di culaburadōr dl'agensìa e pò anc la Lucia, amànta dla Gisella, dòp ch'al masadōr 'l iva varsâ i rubinét.
'L è pò al tùr'n ad Maurizio: al killer 'l al masa dòp che qvést chè 'l iva pruâ a viulentàr, sénsa èsar bòṅ par via dal sò difèt, la Doris (Erna Schürer). Carlo al gh la cava però a tōr-al śò mént'r al masa la Gisella ma al s fà mâł finénd a 'l uśdàl e al manìac c'n al casc adòs al sćiànca tut i negatìṿ.