Non aprite prima di Natale!
|
C'l artìcul chè 'l è scrit in
Miranduléś |
 Don't Open Till Christmas
| ||
| Non aprite prima di Natale! | ||
 La Pat Astley in na figùra dal film | ||
| Minga vèrar prima 'd Nadâł! 1984 | ||
|---|---|---|
| Regìa: Edmund Purdom | ||
| Scritōr: Alan Birkinshaw • Derek Ford | ||
| Atōr: Edmund Purdom • Mark Jones • Alan Lake Belinda Mayne • Gerry Sundquist • Pat Astley Kevin Lloyd • Wendy Danvers • Ken Halliwell | ||
| Müsica: Des Dolan | ||
| Léngua: Ingléś | ||
| Dürä dal film: 86 minüt | ||
| Nasiōṅ: Régn Unî | ||
Non aprite prima di Natale! (Minga vèrar prima 'd Nadâł!) 'l è 'n film ad scarésa dal 1984 'd Edmund Purdom girâ a Lóndra. 'L è stâ prudót par qvéi ad Venerdì 13.
A 'l èstar 'l è cgnusû cuma “Fröhliche Weihnacht” in Germâgna, “No abrir hasta Navidad” in Spaggna e “Nie otwieraj do Bozego Narodzenia” in Pulògna.
Sunt
'L è drē a davśinàr-'s al Nadâł e ad nòt 'n óm vistî da Pàdar Nadâł (John Aston) al s sèra in màchina cun la sò muróśa (Maria Eldridge) par gusàr. A riva òṅ, cun na mascra trasparènta in ghigna, e al i cópa. In séguit, durànt na fèsta, a mōr insfilsâ in bóca par na lansa 'n àtar Pàdar Nadâł (Laurence Harrington) davànti a i òć ad sò fiōla, la Kate Briosky (Belinda Mayne), e dal sò muróś Cliff Boyd (Gerry Sundquist) ch'al sòna 'l sibiōl. Quànd 'n àtar Pàdar Nadâł al pèrd la vita cun la tèsta bruśàda in dal sò furnèl par brustlìr i maròṅ 'l è ciàr ch'a gh'è qualchidòṅ ch'a gh l'à dimóndi sèg.
A Scotland Yard, 'l ispetōr Ian Harris (Edmund Purdom) e 'l sergînt Powell (Mark Jones) i tàcan n'indàśin mént'r a gh riva 'n pachét rigàl cun scrit insìma „Minga vèrar prima 'd Nadâł“. Un giurnalìsta 'd nóm Giles Harrison (Alan Lake) al dmanda spiegasiòṅ a Powell.
Na sira Cliff al và a catàr in dal sò studi al sò amìg Gerry (Kevin Lloyd) ch'l è drē a tiràr śò na mudèla, la Sharon (Pat Astley), par far un servìsi su na rivìsta malnéta. Vistìda da Pàdar Nadâł chi lē la và fóra cun Cliff par dgl'atri foto ma scapànd da di pulisiòt la cata 'l manìac c'n un raśōr in maṅ ma lì lò al n gh fà gnint. I èṅ più dasfurtunâ di àtar Pàdar Nadâł ch'i vènan masâ in un peep show, in un muśèo e in cîrc.
La Kate la naśa quèl e la decìd 'd andàr a védar in 'n uśdàł psichiàtric, al Parklands, mént'r a 'n àtar Pàdar Nadâł i gh càvan via 'l pistulèṅ in dal lìcit 'd un supermarcâ.