Natura contro
C'l artìcul chè 'l è scrit in Miranduléś |
Natura contro | ||
Roberto Ricci in na figùra dal film | ||
Natùra cóntar 1988 | ||
---|---|---|
Regìa: Antonio Climati | ||
Scritōr: Antonio Climati • Lorenzo Castellano Franco Prosperi • Federico Moccia • Marco Merlo | ||
Atōr: Marco Merlo • Fabrizio Merlo • May Deseligny Pio Maria Federici • Bruno Corazzari • Roberto Ricci | ||
Müsica: Maurizio Dami | ||
Léngua: Itagliàṅ • Spagnōl | ||
Dürä dal film: 90 minüt | ||
Nasiōṅ: Itàglia |
Natura contro (Natùra cóntar), cgnusû anc cuma Paradiso infernale, 'l è 'n film 'd asiòṅ dal 1988 'd Antonio Climati girâ in Culómbia.
A 'l èstar, par far caséta, 'l è stâ distribuî c'n al tìtul ad Cannibal Holocaust II, óltar che The Green Inferno, giùst par far inténdar ch'la pelìcula la fus ligàda, anc s'la n 'l éra minga, a 'l film Cannibal Holocaust ad Ruggero Deodato.
Sunt
La giurnalìsta Gemma Demien (May Deseligny) la vōl far al scoop dla sò vita parchè l'è sicùra ch'al prufesōr Korenz (Roberto Ricci), sparî in dl'Amaśògna méntar 'l éra drē a pascàr al pòpul salvàdag di Imas, 'l è incóra viṿ. Par far-as jutàr in dla risérca, la ciàma da Barbóśa un sò amìg biòlug dla Flòrida, Pio (Pio Maria Federici), ch'al riva da lē insém a 'l pilòta 'd aparéć Mark (Fabrizio Merlo) e a 'l aventurēr Fred (Marco Merlo).
La dóna l'è decìśa a far 'n artìcul c'n i fiòc: prima la s fà cuntàr da 'n espèrt (Roberto Alessandri) la tècnica di tajadōr ad tèsta, pò la partìs par la furèsta e la riva in un vilàǵ 'd indios in du a gh'è sōl dal dóni parchè i óm i èṅ stâ tut cupâ da di furastēr ch'i pascàvan d'l òr. Al grup al cuntìnua 'l sò viàś e 'l finìs parśunēr ad soquànt canìbai e pò 'd un traficànt ad putèṅ (Bruno Corazzari).