Mignon è partita
|
C'l artìcul chè 'l è scrit in
Miranduléś |
 Mignon è partita
| ||
 La Sandrelli e la Beauvallet in na figùra dal film | ||
| La Mignon l'è partìda 1988 | ||
|---|---|---|
| Regìa: Francesca Archibugi | ||
| Scritōr: Francesca Archibugi Gloria Malatesta • Claudia Sbarigia | ||
| Atōr: Céline Beauvallet • Stefania Sandrelli Massimo Dapporto • Leonardo Ruta Valentina Cervi • Eleonora Sambiagio Francesca Antonelli • Jean-Pierre Duriez | ||
| Müsica: Roberto Gatto • Battista Lena | ||
| Léngua: Itagliàṅ | ||
| Dürä dal film: 97 minüt | ||
| Nasiōṅ: Itàglia • Frància | ||
Mignon è partita (La Mignon l'è partìda) 'l è 'n film dramàtic dal 1988 dla Francesca Archibugi, chè a 'l sò debùt.
La pelìcula, ch'l'è stada giràda a Róma, l'à vins sinc Dàvid ad Dunatèl, dū Nàstar 'd Argìnt, quàtar Ciak 'd Òr.
Sunt
La Mignon (Céline Beauvallet) la gh'à quìnd'ś an, l'è 'd Parì e l'è dimóndi sustgnùda e pîna 'd sè. Quànd sò pàd'r al s cata in di guàj cun la giustìsia francéśa, la riva a Róma par catàr di sò parènt, i Forbicioni, e stablìr-as lè.
La ragàsa la n s cata minga tant bèṅ in c'l ambintèṅ lè da mèś strasàr, lē ch'la gh'à sèmp'r abû un muć ad bèsi e dimóndi pusa sóta 'l naś. Sò sîṅ al n gh'è mai a 'l cuntràri ad sò sîna Laura (Stefania Sandrelli) e di sò sinc cuśèṅ che però lē la caga pôc: la Chiara (Francesca Antonelli), la s litga da spés sèg, Tommaso (Daniele Zaccaria), al più grand, cl'imbranàda dl’Antonella (Eleonora Sambigio) e Giacomino (Flavio Chiappalone), 'd 'n an è mèś. Invéci la s cata bèṅ cun Giorgio (Leonardo Ruta), un ragasōl ad tréd'ś an ch'al lèś e al stùdia dimóndi e ch'l è anc inamurâ 'd lē sénsa dir-'g-al. Ma anc cal brut grintèṅ ad Cacio (Lorenzo De Pasqua) al gh'à butâ i òć adòs. Quànd Giorgio al la véd in di sò bras, al gh armàgn dimóndi mâł e al próa a masàr-as.