C'l artìcul chè 'l è scrit in Miranduléś Emiliàn

Maurice

Hugh Grant in na figùra dal film
id.
1987
Regìa: James Ivory
Scritōr: Kit Hesketh-Harvey
E.M. Forster • James Ivory
Atōr: James WilbyHugh GrantRupert Graves
Denholm ElliottSimon CallowBen Kingsley
Billie WhitelawBarry FosterJean-Marc Barr
Müsica: Richard Robbins
Léngua: Ingléś
Dürä dal film: 140 minüt
Nasiōṅ: Régn Unî


«
Al caplavōr nóṿ ad James Ivory trat da 'l rumànś famóś 'd E.M. Forster.»
(Tagline dal film)


Maurice (id.) 'l è 'n film dramàtic britànic dal 1987 ad James Ivory trat da 'l rumànś umònim 'd E.M. Forster. La pelìcula l'è stada candidàda a i Prèmi Òscar dal 1988 p'r i custùm dla Jenny Beavan e 'd John Bright e l'à purtâ a cà 'l prèmi par gl'atōr prutagunìsta Hugh Grant e James Wilby a 'l 44śum Fèstival ad Venèsia in du 'l regìsta 'l à mis in bisàca al Lèòṅ 'd Argìnt e Richard Robbins al prèmi par la culòna sunóra.

Girâ c'n un budget ad dū migliòṅ e siē ad dòlar, al 'n à pò fat sù praticamènt àtar tant.

Sunt

A 'l inìsi dal XX sécul Maurice Hall (James Wilby) 'l è 'n studènt a 'l culéǵ ad Cambridge insém a 'l aristucràtic Lord Risley (Mark Tandy) e a Clive Durham (Hugh Grant). Chi lò al gh cunfèsa ch'al gh piàś dimóndi e dòp un pôc Maurice al céd anc se Clive al vrév piutòst na relasiòṅ sénsa sès anc parchè in chi tèmp lè i cumpurtamènt omosesuài i ér'n un reàt in Inghiltèra e lò al n vōl minga finìr in ruìna da 'l mumènt ch'al gh'à na puśisiòṅ da purtàr avànti e 'n futûr ch'l è da la sua.

'L amōr al cuntìnua fra i dū anc quànd Maurice al taca a lauràr cuma agìnt ad cambi a Lóndra ma sōl p'r un pôc parchè tut 'd un trat Clive al s tira indrē quànd al sènt che Risley al s è bcâ siē méś a i lavōr fursâ p'r avēr dmandâ a 'n suldâ 'd far sès. Al ragàs al decìd ad cuntintàr sò màdar (Judy Parfitt) e 'd spuśàr-as cun na dóna cun di bèsi ciamàda Anne (Phoebe Nicholls). Maurice, c'n al cōr scavśâ, al dmanda ajùt a 'l dutōr Lasker-Jones (Ben Kingsley), òṅ ch'al cura i gay cun l'ipnóśi, ma in séguit al finìs a lèt cun Alec Scudder (Rupert Graves), un guàrda-casa ch'al gh'iva butâ gl'òć adòs.

Culegamènt estéran