Macchie solari (film 1975)
|
C'l artìcul chè 'l è scrit in
Miranduléś |
 Macchie solari
| ||
.png) La Mimsy Farmer in na figùra dal film | ||
| Maci sulàr 1975 | ||
|---|---|---|
| Regìa: Armando Crispino | ||
| Scritōr: Lucio Battistrada • Armando Crispino | ||
| Atōr: Mimsy Farmer • Barry Primus • Ray Lovelock Carlo Cataneo • Angela Goodwin • Gaby Wagner Massimo Serato • Ernesto Colli • Antonio Casale | ||
| Müsica: Ennio Morricone | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia | ||
Macchie solari (Maci sulàr) 'l è 'n śal itagliàṅ dal 1975 'd Armando Crispino.
A 'l intràda di cìnema, la cà 'd distribusiòṅ dla pelìcula, la Titanus, la śibìva a i spetadōr dal mascri négri par quaciàr-'s i òć durànt al séni più spavintóśi.
Sunt
La Simona Sanna (Mimsy Farmer), fiōla d'l antiquàri squasa-marléti Gianni (Massimo Serato), la lavóra cuma mèdga legàl in 'n ubitòri d Róma. A 'l impruvìś la s véd rivàr in dal sò repàrt un squantèr'n ad cadàv'r ad gint ch'la s éra tòlta la vita, i giurnài i dìśan p'r al cald e par 'l inflùs dal maci sulàr. Fra 'l vitmi a gh'è anc l'americàna Betty Lenox (Gaby Wagner), surèla dal prevòstar Paul (Barry Primus) e muróśa 'd sò pàdar ch'la gh'iva da spuśàr da lè a pôc.
La pulisìa l'è persuàśa ch'la ragàsa la s sia masàda da par lē a 'l cuntràri dal prēt ch'l è sicûr ch'un qualchidòṅ al l'àppia cupàda, supetànd in particulàr ad Gianni.
In cal méntar la Simona la taca na relasiòṅ c'n al futógrafar Edgardo Fiorini (Ray Lovelock) ch'al gh diś che Paul, prima 'd far-as prēt, 'l éra 'n pilòta 'd màchini da cursa e ch'l iva masâ dimóndi spetadōr durànt 'n incidènt a Le Mans.
Quànd i mōr'n al custòdi dal sò cundumìni (Leonardo Severini) e anc sò pàdar, la Simona la s rénd cònt ch'a gh'è quèl ch'a traśa e ch'i raś dal Sōl i n gh'èntran pròpria par gnint.