C'l artìcul chè 'l è scrit in Miranduléś Emiliàn

Pulisiòt in gir p'r al mâr su dal mòti 'd àqua


La Mòta 'd Àqua (in ingléś ciamàda personal water craft, da spés scurtâ in PWC) 'l è 'n mèś ad traspòrt a mutōr sóta i quàtar mét'r ad lunghésa ch'al sarvìs par spustàr-as su fiùm, mâr e lâg.

Cla mòta chè, invintàda in di an Sinquànta, la dróa na pómpa a śèt 'd àqua cuma fònt ad prupulsiòṅ prinsipàla anc s'a 'l dè 'd incō a gh 'n è anc ad qvéli cun di mutōr elètric. Da drē da 'l guidadōr a s pōl purtàr anc n'atra parsòna ch'a gh sia da scarusàr in gir.

Un śōvan ch'al fà 'l śburòṅ

Par guidàr na mòta 'd àqua in Itàglia a gh vōl sèmpar la patènt nàutica, a n gh'èntra gnint la puténsa dal mutōr.

Dal vòlti l'è batśàda druànd di nóm furastēr minga tant precìś cuma aquabike o aquascooter.

Ligàdi anc a 'l divertimènt spurtìṿ cuma 'l Flyboard, al mòti 'd àqua i èṅ anc druàdi da la pulisìa a 'l lavōr par tgnir adrē a 'l còsti e par garantìr la sicurésa o 'l salvatàǵ dla gint in perìcul.

Culegamènt estéran