Luna di sangue
|
C'l artìcul chè 'l è scrit in
Miranduléś |
 Luna di sangue
| ||
 Alessandro Freyberger in na figùra dal film | ||
| Luna 'd sànguv 1989 | ||
|---|---|---|
| Regìa: Enzo Milioni | ||
| Scritōr: Enzo Milioni • Giovanni Simonelli | ||
| Atōr: Alessandro Freyberger • Giuseppe Morabito Barbara Blasko • Jacques Sernas • Zora Kerova Pamela Prati • Jessica Moore • Annie Belle | ||
| Müsica: Paolo Gatti • Alfonso Zenga | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Luna di sangue (Luna 'd sànguv), cgnusû anc c'n al tìtul ad Fuga dalla morte, 'l è 'n film ad scarésa dal 1989 'd Enzo Milioni. Cl'òpra chè televiśìva l'è stada prudóta par la série „I mìstar dal śgriśōr“ ad Reteitalia ma la n è mai stada trasmìsa da Mediaset par via dla sò viulénsa. In séguit l'à catâ la luś diretamènt in caséta vìddeo, a 'l intéran dla racòlta „Lucio Fulci presenta“.
La showgirl Pamela Prati la gh'à na part piculìna in dla pelìcula, qvéla dla Mirella.
Sunt
L’Ann Moffet (Barbara Blasko) la gh'à la pasiòṅ p'r i cavài, un quèl ch'la s pōl parmétar parchè la gh'à di bèsi. L'è spuśàda c'n un scritōr ad śai, Larry, e la viṿ sèg in na vila in un sit ad campàggna insém a l'asistènta 'd sò marè, la Mary (Zora Kerova), e a 'l óm ch'al tîṅ adrē a 'l stali, Solly (Giuseppe Morabito), ch'l è sèmpar cumpagnâ par na śuvnòta muta e purcùsa, la Tania (Jessica Moore), ch'l è la sò amànta e fórsi anc sò fiōla.
Al psicòlug dutōr Marc Duvivier (Jacques Sernas) 'l è in pinsēr par la salùt dl’Ann parchè a sò giudìsi l'è piutòst disturbàda in dla suca e 'l vrév ch'l'andìs a curàr-'s in clìnica. Un dè la dóna la cata mòrt sò marè in dla stala cun la ghigna tuta śbrandlàda p'r un cōlp ad pistòla ch'i gh'aṅ sparâ. Ninsòṅ però a gh créd anc parchè al cadàv'r al n s cata briśa, inóltar la Mary la tira fóra un fujét, scrit par Larry in parsòna, ch'al diś ch'al s 'n è andâ parchè stuf dla matéria 'd sò mujēr.
Soquànt méś dòp a s fà viṿ 'n óm ch'al diś 'd èsar Larry (Alessandro Freyberger) ma l’Ann la gh'à di dubi anc s'la 'l tōś in cà. Quànd la Tania la cata 'n arlói dal marè dl’Ann, qualchidòṅ al la masa in dal méntar ch'la fava 'n buchèṅ a Solly in dla stala. Anc 'l óm al mōr quànd al sasèṅ al gh fà saltàr p'r ària 'l uśèl.