Light My Fire

C'l artìcul chè 'l è scrit in Miranduléś

«

Come on baby light my fire, try to set the night on fire, the time to hesitate is through, no time to wallow in the mire.»

(EN)(Light My Fire, 1966)

«

Dai-mò putìna, impìsa 'l mè fōg, próa a bruśàr la nòt, a n s pōl piò avér di dubi, a n gh'è più tèmp par spultiàr-'s in dla śmalta.»

(MUD)

«Light My Fire» (in emigliàn, «Impìsa 'l mè fōg») l'è na cansòṅ dal grup americàṅ di The Doors, scrita in 1966 p'r al sò prim àlbum e pò vgnuda fóra anc cuma sìngul 'l an dòp. Al braṅ al nas da na canta mai finìda ad Robby Krieger che pò chi àtar i aṅ ślungâ e impinìda, faghénd-la rivàr a duràr da piò ad sèt minùt.

In séguit i l'aṅ scurtàda p'r i pasàǵ a la ràddio. L'è armàśa par tri stmani in clasìfica in dla Billboard americàna. Dimóndi artìsta i aṅ cantâ in séguit cal pès chè cuma l'Alicia Keys, l'Amii Stewart, José Feliciano, i Massive Attack, Stevie Wonder e Will Young óltar a 'l itagliàṅ Nicola Di Bari c'n al nóm ad Dammi fuoco.

Furmasiòṅ

Jim Morrison • vóś
Ray Manzarek • tastéri
Robby Krieger • chitàra
John Densmore • baterìa