Le donne e il desiderio
|
C'l artìcul chè 'l è scrit in
Miranduléś |
 Zjednoczone Stany Miłości
| ||
| Le donne e il desiderio | ||
 La Julia Kijowska in na figùra dal film | ||
| Cal dóni e 'l deśidèri 2016 | ||
|---|---|---|
| Regìa: Tomasz Wasilewski | ||
| Scritōr: Tomasz Wasilewski | ||
| Atōr: Magdalena Cielecka • Marta Nieradkiewicz Julia Kijowska • Dorota Kolak • Tomasz Tyndyk Andrzej Chyra • Lukasz Simlat • Marcin Czarnik | ||
| Müsica: Whitney Houston • Johann Strauss Majka Jezowska • Pete Di Losa | ||
| Léngua: Pulàc • Tedésc | ||
| Dürä dal film: 106 minüt | ||
| Nasiōṅ: Pulógna • Śvèsia | ||
Le donne e il desiderio (Cal dóni e 'l deśidèri) 'l è 'n film dramàtic dal 2016 ad Tomasz Wasilewski ch'al 'l à anc scrit.
'L è stâ preśentâ a 'l 66śum Fèstival ad Berlîṅ in du 'l à vins 'l „Ōrs 'd Argìnt“ par la senegiadùra.
Sunt
A 'l inìsi di an Nuànta, durànt na faś ad cambiamènt par la Pulógna in di an ad Solidarność e 'd Lech Wałęsa, quàtar dóni i vrévan cambiàr vita anc lōr.
L’Agata (Julia Kijowska) la dà via di film a nuléǵ, la gh'à na fiōla da crés'r e l'è spuśàda cun 'n uperàj ciamâ Jacek (Lukasz Simlat) ch'la n s cumpatìs piò tant ch'a gh dà anc fastìdi quànd al la tóca. La dóna la vrév avēr-ag na stòria c'n al prēt ma, esénd un quèl impusìbil, quànd la véd al religióś la tórna sèmpar da sò marè par far-as gusàr cuma na nimàla.
L’Iza (Magdalena Cielecka), diretōra dla scōla in du la stùddia na putìna ciamàda Wioletta (Julia Chetnicka), l'è l'amànta 'd sò pàdar mèdag armàś véduv da pôc. Quànd lò al gh vōl dar un taj, chi lē la n s mét minga 'l cōr in paś e la fà da tut par tgnir-'s-al stric.
La Renata (Dorota Kolak), insgnànta 'd rus in là c'n i an, la s inamóra dla surèla śōvna dl’Iza, na ragasōla ciamàda Marzena (Marta Nieradkiewicz) ch'la stà in dal sò cundumìni. Chi lē la gh'à 'n marè ch'al lavóra in dla Germàgna Èst e par campàr la fà far ginàstica a cal dóni faghénd-li balàr in palèstra.