La visione del sabba
|
C'l artìcul chè 'l è scrit in
Miranduléś |
 La visione del sabba
| ||
 Na figùra dal film | ||
| La viśiòṅ dal sabba 1988 | ||
|---|---|---|
| Regìa: Marco Bellocchio | ||
| Scritōr: Marco Bellocchio • Francesca Pirani | ||
| Atōr: Béatrice Dalle • Daniel Ezralow • Renata Leoni Corinne Touzet • Jacques Weber • Omero Antonutti | ||
| Müsica: Carlo Crivelli | ||
| Léngua: Itagliàṅ | ||
| Dürä dal film: 94 minüt | ||
| Nasiōṅ: Itàglia • Frància | ||
La visione del sabba (La viśiòṅ dal sabba) 'l è 'n film dramàtic dal 1988 ad Marco Bellocchio ch'al 'l à scrit insém a la Francesca Pirani.
La pelìcula l'è stada giràda in Tuscàna in pruìnsa 'd Grusēt.
Sunt
Davide (Daniel Ezralow) 'l è 'n psicòlug spuśâ cun la Cristina (Corinne Touzet). Par cònt di giùdas al gh'à da far, insém a 'l mèdag cundót (Omero Antonutti), na perìsia p'r un prucès par védar se na ragàsa ciamàda Maddalena (Béatrice Dalle) la n è minga tant a pòst cun la suca esénd ch'l'à péna masâ un casadōr c'n un sćiòp.
La ragàsa la gh cònta ch'i èṅ quatarsènt an ch'la spéta 'd èsar gusàda da 'n óm e quànd finalmènt al 'l iva vdû in dal bòsc la pinsàva ch'l éra rivâ 'l sò tùran. Quànd però chi lò, invéci 'd dar-ag dū cōlp, 'l iva tacâ a far-as na pugnéta guardànd-la, lē la s éra sintìda uféśa e dònca la gh'iva sparâ par vindicàr-as. La śōvna la gh diś anc 'd èsar na stria nada al 1 ad Setémbar dal 1630.