La sorella di Ursula
|
C'l artìcul chè 'l è scrit in
Miranduléś |
 La sorella di Ursula
| ||
 La Barbara Magnolfi in na figùra dal film | ||
| La surèla dl'Ursula 1978 | ||
|---|---|---|
| Regìa: Enzo Milioni | ||
| Scritōr: Enzo Milioni | ||
| Atōr: Barbara Magnolfi • Stefania D'Amario Anna Zinnemann • Yvonne Harlow • Marc Porel | ||
| Müsica: Mimi Uva | ||
| Léngua: Itagliàṅ | ||
| Dürä dal film: 96 minüt | ||
| Nasiōṅ: Itàglia | ||
La sorella di Ursula (La surèla dl'Ursula) 'l è 'n film śal eròtic dal 1978 scrit e dirèt p'r Enzo Milioni, chè a 'l sò debùt.
Sunt
La Dagmar Beyne (Stefania D'Amario) e sò surèla Ursula (Barbara Magnolfi) i èṅ dū turìsti austrìachi ch'i rìv'n in Campàgna par pasàr soquànt dè a 'l mâr e pruàr acsè a daśmindgàr in Itàglia la mòrt ad sò pàdar ch'al s éra tòlt la vita p'r al magòṅ soquànt tèmp dòp èsar stâ lasâ da sò mujēr. I tōśan na cambra in d'l hutèl ad Roberto Delleri (Vanni Materassi), pruprietàri dla strutùra insém a la sò spóśa, la Vanessa (Anna Zinnemann).
Al dū surèli i cgnósan prèst na cantànta 'd un night club, la Stella Shining (Yvonne Harlow), e 'l sò muróś drugâ Filippo Andrei (Marc Porel), un tisi ch'a la Ursula al n gh piàś pròpria minga. Durànt la vacànsa un manìag al taca a masàr dal purcùsi ch'i ìvan péna ciulâ cuma na putàna catàda par strada (Danila Trebbi) pagàda par far sès davànti a lò, na còpia 'd śuvnòt, l'amànta lèśbica dla Vanessa ciamàda Jenny (Antiniska Nemour) e pò anc la Stella dòp ch'l'éra andàda a lèt cun Roberto. Tuti che lōr i èṅ catàdi mòrti cun la figa dasfàta, gusàdi da 'n cas gigànt ch'a s véd sōl la sò òra.