La noia (film 1998)
|
C'l artìcul chè 'l è scrit in
Miranduléś |
 L'ennui
| ||
| La noia | ||
 L'Arielle Dombasle in na figùra dal film | ||
| La nòja 1998 | ||
|---|---|---|
| Regìa: Cédric Kahn | ||
| Scritōr: Alberto Moravia • Cédric Kahn Laurence Ferreira Barbosa | ||
| Atōr: Charles Berling • Sophie Guillemin • Alice Grey Arielle Dombasle • Robert Kramer • Maurice Antoni Patrick Arrachequesne • Mirtha Caputi Medeiros | ||
| Müsica: Richard Wagner | ||
| Léngua: Francéś • Spagnōl | ||
| Dürä dal film: 122 minüt | ||
| Nasiōṅ: Frància • Purtugàl | ||
La noia (La nòja) 'l è 'n film dramàtic e eròtic dal 1998 ad Cédric Kahn ch'al tōś ispirasiòṅ da 'l rumànś umònim 'd Alberto Moravia.
Sunt
Martin (Charles Berling) 'l è 'n prufesōr pariśèṅ ch'l inségna filuśufìa a l'università dla sò sità anc s'al taca a fiacàr-as parchè a gh piaśrév scrìv'r un lìbar. Al s è divìś da sò mujér, la Sophie (Arielle Dombasle), armagnénd però in rapòrt bòṅ sèg. Chi lē la s è arfàta na vita cun Jean-Paul (Oury Milshtein) méntar lò invéci 'l è dimóndi śò.
Na sira 'l incróśa in un night club un pitōr ch'l à pasâ i ssanta ciamâ Meyers (Robert Kramer) e 'l gh paga 'l bijét parchè lò al s éra daśmindgâ i bèsi a cà. In cambi 'l artìsta al gh dà 'n sò quàd'r invidànd-al da lò in di dè a vgnir par dar-'g indrē i sòld abû in prèst. Quànd Martin al s preśénta là, na sò vśina 'd cà la gh diś però che Meyers 'l è péna mòrt, a gh'è vgnû 'n cōlp séc mént'r al s gusàva na sò mudèla ad darsèt-an, la Cécilia (Sophie Guillemin). 'L óm al la cata in cà parchè l'éra vgnuda a far sù la sò ròba e al taca a far-ag mila dmandi. La śōvna, na ragàsa in carna piutòst purcùsa a lèt, la gh cònta che sò màdar (Alice Grey) la tira avànti a fadìga c'n al negòsi méntar sò pàdar al gh'à 'n cànc'r a la góla ch'al n è gnanc più bòṅ ad dascórar. Chi lōr dū i la lasàv'n andàr da Meyers tut i dè parchè i cardìvan che lò al gh dis dal lesiòṅ ad diségn mo invéci la gh'andàva sōl par far sès anc s'la n gh vliva minga bèṅ, piutòst 'l éra véra 'l cuntràri, 'l éra lò ch'al gh tgniva.
Piàn piàṅ Martin al tōś al pòst dal vèć, sia cuma insgnànt par finta che a lèt. Ma la Sophie la fà qvél ch'a gh pâr a lē, quànd l'è libra la s véd c'n un sò amìg ciamâ Momo (Tom Ouedraogo) ch'al vōl far 'l atōr.