La mano che nutre la morte
|
C'l artìcul chè 'l è scrit in
Miranduléś |
 La mano che nutre la morte
| ||
 Kinski e la Katia Christine in na figùra dal film | ||
| La maṅ ch'la nutrìs la mòrt 1974 | ||
|---|---|---|
| Regìa: Sergio Garrone | ||
| Scritōr: Sergio Garrone | ||
| Atōr: Klaus Kinski • Katia Christine • Erol Tas Ayhan Isik • Carmen Silva • Alessandro Perrella Stella Calderoni • Marzia Damon • Carla Mancini | ||
| Müsica: Stefano Liberati • Elio Maestosi | ||
| Léngua: Itagliàṅ | ||
| Dürä dal film: 87 minüt | ||
| Nasiōṅ: Itàglia • Turchìa | ||
La mano che nutre la morte (La maṅ ch'la nutrìs la mòrt) 'l è 'n film ad scarésa dal 1974 scrit e dirèt par Sergio Garrone.
Sunt
Durànd al sò viàś ad nòsi in Àustria, Alex (Ayhan Isik) e la Masha (Katia Christine) i gh'aṅ un prubléma cun la sò caròsa e i èṅ custrét a farmàr-'s e dmandàr ajùt a 'l dutōr Nijinski (Klaus Kinski) ch'al viṿ da cal bandi lè in un castèl insém a sò mujér Tanja (Katia Christine) che però la n s véd mai.
Chi lē, soquànt tèmp prima, l'à patî na daśgràsia esénd ch'al sò còrp 'l à ciapâ fōg durànt 'n inséndi ch'l à invéci masâ sò pàdar, Ivan. Nijinski adès al farév da tut par far-la turnàr cuma prima, anc sćiancàr via la pèl ad chi atri dóni par tacàr-la atàc a qvéla 'd sò mujér. Quànd chi lē la n s lōga mia la và in gir c'n un fasulét nég'r in cô cuma na talebàna p'r a n far-as védar cun la ghigna tuta bruśàda ma specialmènt p'r a n védar-la lē tant ch'l'à anc fat sparìr tut i spèć da la cà.
In cal méntar la scritōra Katja Olenov (Marzia Damon), in pinsēr parchè sò surèla l'è sparìda masàda da Nijinski par fargàr-ag la pèl da tacàr a la còsa dla sò spóśa, la la và a pascàr finénd anc lē in dal castèl e pò in dal lèt dla Sonia (Stella Calderoni), na lèśbica piutòst purcùsa. Al dutōr al decìd però che che lōr dū i gh'aṅ da murìr parchè i sànan tròp méntar la Tanja la dà la śdòrmia a la Masha parchè a gh sarvìs la pèla dal sò grugn par turnàr a èsar na dóna cuma na vòlta. Al jutànt sòp dal dutōr (Erol Tas) al s imprufìsta dla Katja dand-ag dū cōlp, pò al saplìs la Sonia in dal bòsc.