C'l artìcul chè 'l è scrit in Miranduléś Emiliàn

Video-x-generic.svg La chiesa
Chiesa (film).png
L'Asia Argento in na figùra dal film
La céśa
1989
Regìa: Michele Soavi
Scritōr: Lamberto Bava • Dardano Sacchetti
Franco Ferrini • Dario Argento • Michele Soavi
Atōr: Barbara CupistiGiovanni Lombardo Radice
Tomas AranaAsia ArgentoFeodor Chaliapin Jr.
Hugh QuarshieAntonella VitaleRoberto Caruso
Müsica: GoblinKeith Emerson
Léngua: ItagliàṅUngheréśLatìn
Dürä dal film: 100 minüt
Nasiōṅ: Itàglia


«
In cal santuàri chè maladî ta n pōl mia pargàr.»
(Tagline dal film)


La chiesa (La céśa) 'l è 'n film ad scarésa dal 1989 ad Michele Soavi prudót par Dario Argento. 'L è stâ 'l 37śum più vdû in Itàglia in dla stagiòṅ 1988/1989 dòp ch'l à psû cuntàr su 'n budget ad tri migliòṅ e mèś ad dòlar.

Sunt

In dal tèmp dal Mèdi éṿ, un grup ad cavalēr teutònic i màsan na stria in un vilàǵ dla Germàgna e pò i la saplìsan insém a tut gl'abitànt dal pòst. Dòp avér fat banadìr la tèra, i gh tìran sù na catedràla.

Soquànt sècui dòp, a i giōran nòstar, al bibliutecàri Evald (Tomas Arana) al taca a lauràr in dal santuàri c'n al còmpit ad mét'r a pòst tut i lìbar ch'a gh'è lè. Insém a lò a gh'è anc la Lisa (Barbara Cupisti) ch'la gh'à da restauràr di afrésc e i dū i dvènt'n anc amànt. A jutàr al vèć canónic (Feodor Chaliapin Jr.) a riva anc un prēt ad culōr, pàdar Gus (Hugh Quarshie).

Lśénd un vèć manuscrìt Evald al vèṅ a savēr ch'ad sóta dla céśa, in sal pavimènt dal fundasiòṅ, a gh'è na cróś ch'l'éra sarvìda par srar dèntar la stria e tut chi àtar maladî. Sénsa vlēr 'l óm al dasquàcia la cróś e acsè al libra tut di demòni e òṅ ad qvi lè al tōś al sò cuntròl. In cal mèntar la céśa la s sèra da par lē e tut qvéi ch'a gh'è dèntar, cumpréś al sagrestàṅ Hermann (Roberto Corbiletto), sò mujér (Alina De Simone) e sò fiōla Lotte (Asia Argento), i finìs'n in trapla.

Culegamènt estéran