La bestia (film 1975)
|
C'l artìcul chè 'l è scrit in
Miranduléś |
 La bête
| ||
| La bestia | ||
.png) La Lisbeth Hummel in na figùra dal film | ||
| La bistiàsa 1975 | ||
|---|---|---|
| Regìa: Walerian Borowczyk | ||
| Scritōr: Walerian Borowczyk | ||
| Atōr: Sirpa Lane • Lisbeth Hummel • Guy Tréjan Elisabeth Kaza • Pierre Benedetti • Marcel Dalio Roland Armontel • Hassane Fall • Pascale Rivault | ||
| Müsica: Domenico Scarlatti | ||
| Léngua: Francéś • Itagliàṅ • Ingléś | ||
| Dürä dal film: 98 minüt | ||
| Nasiōṅ: Frància | ||
La bestia (La bistiàsa) 'l è 'n film eròtic francéś dal 1975 scrit e dirèt par Walerian Borowczyk.
Sunt
In dal castèl dal marchéś Pierre de L'Espérance (Guy Tréjan), al duca Rammondelo de Balo (Marcel Dalio) al dascór sèg dal futûr dal sò fiōl put, Mathurin (Pierre Benedetti). Al marchéś, sénsa bèsi, al vrév che lò al spuśìs l'ingléśa Lucy Broadhurst (Lisbeth Hummel), ch'la pōl cuntàr su 'l patrimòni ad sò pàdar mòrt Philip, mént'r al duca, sò sîṅ, al n è mia 'd acòrd par via dna maledisiòṅ di tèmp antîg dla sò rasa, tant che sò anvōd al n è mai gnanc stâ batśâ. Quànd la ragàsa la riva in Frància, insém a sò sîna Virginia (Elisabeth Kaza), la fà in tèmp a védar la mónta ad soquànti cavàli in dal curtìl dal palàs.
Finìda la séna, la Lucy la và a durmìr e la s insùnia na dóna ciamàda Romilda (Sirpa Lane) ch'la gh'à da far cun na bistiàsa méntar la sunàva 'l cavicémbal. La dóna la próa a scapàr via in dal bòsc mént'r al móst'r al gh cur adrē c'n al cas ch'a gh vîṅ dûr, pò al gh la cava a gusàr-la. La Lucy la s déśda e la taca a masturbàr-as druànd na róśa ch'al gh'iva regalâ 'l sò muróś. In cal mént'r al duca al ciàma a Róma sò fradèl, al cardinàł Giuseppe de Balo (Jean Martinelli), par dir-ag 'd a n vgnir minga a far al matrimòni. Al marchéś al sènt incòsa e 'l al cópa tajànd-ag la góla c'n un raśōr.
La Lucy la và in dla cambra 'd Mathurin, pinsànd ch'al sia vgnû lò a dar-ag dū cōlp méntar la punsàva, ma la 'l cata mòrt. Quànd al cadàvar al vîṅ purtâ in dal salòṅ, la Virginia la taca a dar-'g adòs, sćiancànd-'g i vistî par far véd'r al segrét dla famìja L'Espérance: la Romilda, dòp la gusàda patìda da la bistiàsa, l'iva dâ a la luś un putèṅ e Mathurin al n è àtar ch'un sò parènt a la lunga, cun la cóa, i pēi lung e dal śampi da bèstia lugàdi dént'r a 'n śés.