L'uomo senza legge
|
C'l artìcul chè 'l è scrit in
Miranduléś |
 The Escapist
| ||
| L'uomo senza legge | ||
 Gary Lewis e Jonny Lee Miller in na figùra dal film | ||
| 'L óm sénsa léǵ 2002 | ||
|---|---|---|
| Regìa: Gillies MacKinnon | ||
| Scritōr: Nick Perry | ||
| Atōr: Jonny Lee Miller • Gary Lewis • Jodhi May Andy Serkis • Philip Barantini • Paloma Baeza | ||
| Müsica: Rob Lane | ||
| Léngua: Ingléś | ||
| Dürä dal film: 88 minüt | ||
| Nasiōṅ: Régn Unî | ||
L'uomo senza legge (’L óm sénsa léǵ) 'l è 'n film dramàtic e 'd asiòṅ britànic dal 2002 ad Gillies MacKinnon.
Sunt
Denis Hopkins (Jonny Lee Miller) 'l è 'n śōvan pilòta 'd aparéǵ spuśâ cun na ragàsa ciamàda Valerie (Paloma Baeza) ch'la spèta na putìna da lò. Na nòt la famìja la patìs un tintatìṿ ad rapìna da part dal psicòtig Ricky Barnes (Andy Serkis), canàja patintàda, e dla sò banda 'd laśaròṅ. 'L óm, prima 'd scapàr via, al spara a la dóna cupànd-la ma la putìna la la scampa faghénd un taj ceśàri a 'l ùltim.
Dastrùt da 'l dulōr Denis al n gh'à più mutìṿ ad vìv'r a part pascàr la vindéta cónt'r al sasèṅ cundanâ a vint an da pasàr in dla parśòṅ ad Sullom Voe su n'ìśula in dal Mâr dal Nòrd. Dòp avēr lasâ sò fiōla da sò cugnàda Christine (Jodhi May) al fà créd'r a tut 'd èsar mòrt e 'l sparìs. In séguit, faghénd finta 'd ès'r un barbòṅ sénsa ducumènt, al s fà arestàr dòp avēr dastrùt na màchina dla pulisìa druànd na masa. A sarév un quèl da pôc ma Denis, ch'al vōl èsar mis dènt'r a Sullom Voe, al próa sèmp'r a scapàr in fiṅ tant ch'al finìs dabòṅ in na sèla su l'ìśula esénd batśâ cuma 'n sugèt a risć. Adès ch'al s cata darènt a 'l sò nemìg al pōl pruàr finalmènt a far-al fóra e a far-as giustìsia da par lò ma Ricky 'l è 'n tisi dimóndi periculóś.