L'uomo che sapeva troppo (film 1934)
|
C'l artìcul chè 'l è scrit in
Miranduléś |
 The Man Who Knew Too Much
| ||
| L'uomo che sapeva troppo | ||
.png) L'Edna Best in na figùra dal film | ||
| 'L óm ch'al saìva tròp 1934 | ||
|---|---|---|
| Regìa: Alfred Hitchcock | ||
| Scritōr: D.B. Wyndham-Lewis Edwin Greenwood • Charles Bennett A.R. Rawlinson • Emlyn Williams | ||
| Atōr: Leslie Banks • Edna Best • Peter Lorre Frank Vosper • Hugh Wakefield • Nova Pilbeam Pierre Fresnay • Cicely Oates • George Curzon | ||
| Müsica: Arthur Benjamin | ||
| Léngua: Ingléś • Francéś • Tedésc • Itagliàṅ | ||
| Dürä dal film: 75 minüt | ||
| Nasiōṅ: Régn Unî | ||
L'uomo che sapeva troppo (’L óm ch'al saìva tròp) 'l è 'n thriller dal 1934 'd Alfred Hitchcock. Al gh'à abû 'n arfacimènt c'n al stés tìtul in dal 1956 cun James Stewart e la Doris Day.
'L è stâ girâ a St. Moritz in Śvisra e a Lóndra.
Sunt
'L ingléś Bob Lawrence (Leslie Banks) e sò mujér Jill (Edna Best) i èṅ in vacànsa su 'l muntàgni śvisri insém a la sò putìna, la Betty (Nova Pilbeam).
Durànt na gara 'd sî ad diséśa libra un caṅ al finìs in pista faghénd cascàr śò al siadōr francéś Louis Bernard (Pierre Fresnay). In mèś a cal sapèl lè Bob al juta a tiràr-as sù un sgnōr ch'l éra strabucâ par tèra, Abbot (Peter Lorre). Chi lò al gh'à d'armét'r-as e 'l s cata a St. Moritz insém a la sò infarméra Agnes (Cecily Oates). Bob al fà dū paròli cun Louis e al 'l invìda a séna.
Cla sira lè, mént'r al francéś al bala cun la Jill, a s sènt un cōlp ad pistòla ch'al masa Bernard. Prima 'd murìr chi lò al fà in tèmp a bacajàr quèl a la Jill, dascurénd 'd un pnèl da barba in dla sò cambra in hutèl. Cun la sò ciàṿ Bob al vèra 'l us e 'l cata 'n bijét cun scrit insìma "Wapping G. Barbor tōr cuntàt A. Hall 21 ad Mars". Quànd 'l óm al s rénd cònt ch'a gh'è sóta quèl, sò fiōla la sparìs.