L'insegnante va in collegio
|
C'l artìcul chè 'l è scrit in
Miranduléś |
 L'insegnante va in collegio
| ||
 La Fenech e Montagnani in na figùra dal film | ||
| L'insgnànta la và in culéǵ 1978 | ||
|---|---|---|
| Regìa: Mariano Laurenti | ||
| Scritōr: Francesco Milizia • Franco Mercuri Mariano Laurenti • Annie Albert | ||
| Atōr: Edwige Fenech • Renzo Montagnani Alvaro Vitali • Lino Banfi • Gianfranco D'Angelo Leo Colonna • Nikki Gentile • Carlo Sposito | ||
| Müsica: Gianni Ferrio | ||
| Léngua: Itagliàṅ • Ingléś • Francéś • Latìn | ||
| Dürä dal film: 86 minüt | ||
| Nasiōṅ: Itàglia • Frància | ||
L'insegnante va in collegio (L'insgnànta la và in culéǵ) l'è na cumèdia dal 1978 ad Mariano Laurenti.
Sunt
Su cunsìli ad Peppino (Lino Banfi), p'r a n dar minga in d'l òć e par paràr via 'l risć di sequèstar, 'l industriàł lumbàrd Riccardo Bolzoni (Renzo Montagnani) al decìd 'd andàr a star in Basitàglia in Pùglia insém a sò mujēr Ileana (Paola Pieracci) e a sò fiōl Carlo faghénd-as pasàr p'r un strasòṅ. Par furtùna che lè a Martìna Franca l'è vgnuda a far-ag cumpagnìa anc la sò amànta americàna ciamàda Vera (Nikki Gentile).
Carlo al taca a 'ndàr a scōla in dal culéǵ catòlig ad Don Marcello (Dino Emanuelli) e 'l dvènta amìg ad Petruzzelli (Lucio Montanaro) e 'd al ripetènt Armandino Fusecchia (Alvaro Vitali), ch'i suo i gh'aṅ 'n albèrg in sità. In dla scōla, in du i inségnan i prufesōr ad ginàstica Strumolo (Gianfranco D'Angelo) e 'd itagliàṅ e stòria Morlupo (Carlo Sposito), mèś òrub e scurśòṅ dal tut, a gh'è n'insgnànta nóva 'd ingléś, la Monica Sebastiani (Edwige Fenech), anvōda dal prevòstar. Carlo al s inamóra 'd lē ma anc sò pàd'r al gh buta 'l òć adòs tant ch'al decìd ad tōr dal lesiòṅ privàdi da la Monica. P'r armàgnar sōl sèg, Riccardo al spedìs via la sò sgnōra insém a Peppino.