C'l artìcul chè 'l è scrit in Miranduléś Emiliàn

L'harem

La Baker e Gastone Moschin in na figùra dal film
'L harem
1967
Regìa: Marco Ferreri
Scritōr: Rafael Azcona • Marco Ferreri • Ugo Moretti
Atōr: Carroll BakerGastone Moschin
William BergerRenato SalvatoriGeorge Hilton
Michel Le RoyerClotilde SakaroffUgo Tognazzi
Müsica: Ennio Morricone
Léngua: Itagliàṅ
Dürä dal film: 100 minüt
Nasiōṅ: ItàgliaFrància


«
Sōl un pruféta cuma Marco Ferreri al psiva cuntàr 'l harem... dna dóna.»
(Tagline dal film)


L'harem (’L harem) l'è na cumèdia dramàtica itagliàna, francéśa e tedésca dal 1967 ad Marco Ferreri.

In un cameo a gh'è anc Ugo Tognazzi ch'al fà la part ad lò in dla vita ad tut i dè.

Sunt

La Margherita (Carroll Baker) l'è na bèla dóna ch'ad mistēr la fà 'l architét. Par psér cuntinuàr a far qvél ch'a gh pâr a lē in dla vita ad tut i dè, la decìd ad tiràr-'s indrē quànd 'l éra prònt incòsa p'r al sò matrimòni cun 'l industriàł e inśgnēr lumbàrd Gianni (Gastone Moschin). In dal méntar, la gh cunfèsa pò ch'la gh'à anc dū amànt: 'l avucàt Gaetano (Renato Salvatori) e al bohemien Mike (William Berger). La Margherita la vrév purtàr avànti al ròbi acsè cuma prima, sénsa pèrdar l'amicìsia ch'la la liga a chi lōr tri.

Durànt na vacànsa a Dubrovnik, c'n un tragatèṅ la i fà catàr insém in dla sò vila e la gh śibìs ad mént'r insém 'n harem a 'l arvèrsa, na fémna da par lē cun soquànt masć 'd intór'n a lē. Al funsiòṅ ad tgnir a drē a i cònt e a i quèi ad tut i dè i èṅ a càrag 'd un sò amìg fnòć, Renato (Michel Le Royer), eunuco mudèran.

Dòp i prim tèmp in dua tut a gira p'r al vèrs giust, e chi tri là i fàn'n a tùran p'r andàr a lèt cun la Margherita, i tàc'n i prubléma parchè i patìs'n al fat 'd a n cmandàr minga cuma i gh'arésan da far esénd di óm. Quànd chi lē la vèṅ custréta a star schisa e a 'l sò pòst, faghénd qvél ch'i gh dgìvan lōr cuma far da magnàr e armàgn'r in pòśa, cun anc Renato ch'a s śònta, la dóna la n in pōl piò e la s tira indrē ma 'l è tròp tard. I tri i la bùtan śò par na scarpàda.

Culegamènt estéran