L'adolescente
|
C'l artìcul chè 'l è scrit in
Miranduléś |
 Une vraie jeune fille
| ||
| L'adolescente | ||
 La Charlotte Alexandra in na figùra dal film | ||
| La ragasōla 1976 | ||
|---|---|---|
| Regìa: Catherine Breillat | ||
| Scritōr: Catherine Breillat | ||
| Atōr: Charlotte Alexandra • Alexandra Gouveia Hiram Keller • Bruno Balp • Shirley Stoler Rita Maiden • Georges Guéret • Carmelo Petix | ||
| Müsica: Mort Shuman | ||
| Léngua: Francéś | ||
| Dürä dal film: 94 minüt | ||
| Nasiōṅ: Frància | ||
L'adolescente (La ragasōla) 'l è 'n film eròtic francéś dal 1975 dla Catherine Breillat, chè a 'l sò debùt. La pelìcula l'è pò vgnuda fóra sōl in dal 1999.
Al film al tōś ispirasiòṅ da 'l quàrt rumànś dla Breillat, vgnû fóra in Frància cun al tìtul ad Le Soupirail. La regìsta la canta anc al braṅ “Suis-je une petite fille?” (Sòṅ-j-a mè na ragasōla?).
Sunt
L’Alice Bonnard (Charlotte Alexandra) l'è na ragasōla ad quìnd'ś an ch'la và a 'l licèo. In d'l Agóst dal 1963 la decìd ad pasàr al sò vacànsi 'd Istâ a cà di sò genitōr in Achitàgna. Chi lōr i s dróan al sò tèmp laurànd e guardànd la televiśiòṅ.
Da par lē, cun na màdar vilìda (Rita Maiden) e 'n pàdar (Bruno Balp) gréś cuma la śmalta, la scriv qvél ch'a gh sucèd e i sò sentimènt in un diàri, sénsa daśmindgàr-'s i fat ligâ a 'l sès, anc parchè lē l'è dimóndi spurcaciòna e a gh piàś giràr in bicicléta sénsa mét'r-as al mudàndi adòs.
Quànd a riva lè al śóv'n e bèl Pierre-Evariste Renard (Hiram Keller), dit "Jim", ch'al taca a lauràr par sò pàdar, chi lē la ciàpa na còta par lò ma a n gh'è vèrs parchè al gh'à bèla la muróśa.