Justine (film 1979)
|
C'l artìcul chè 'l è scrit in
Miranduléś |
 Justine
| ||
.png) La Lina Romay in na figùra dal film | ||
| id. 1971 | ||
|---|---|---|
| Regìa: Jesús Franco | ||
| Scritōr: Jesús Franco | ||
| Atōr: Lina Romay • Alain Petit • Jesús Franco Alice Arno • Gilda Arancio • Raymond Hardy Vítor Mendes • Richard Bigotini • Monica Swinn | ||
| Müsica: Nico Fidenco • Daniel White | ||
| Léngua: Itagliàṅ | ||
| Dürä dal film: 95 minüt | ||
| Nasiōṅ: Itàglia | ||
Justine (id.) 'l è 'n film eròtic dal 1979 ad Jesús Franco ch'al 'l à anc scrit e recitâ firmànd-al c'n al nóm ad Dave Tough. In Itàglia la pelìcula l'è cgnusùda anc c'n al tìtul ad Le porno libidini di Justine e 'd Justine, una minorenne deliziosa.
A s trata 'd un lavōr tacâ in dal 1975 ch'al gh'iva da èsar 'n arfacimènt dna pelìcula dal regìsta spagnōl dal 1969 cun la Romina Power, Justine ovvero le disavventure della virtù. Esénd ch'i n gh'éran più bèsi e ch'i éran stadi giràdi sōl soquànti séni, la prudusiòṅ l'à decìś ad dar tut al materiàł a Joe D'Amato ch'al gh'à fat vgnir fóra 'n film śuntànd-ag di pès tòlt via da di atri pelìculi 'd Franco, La coccolona (1976) e Shining Sex (1977), sèmpar cun prutagunìsta la Lina Romay.
Sunt
La Justine (Lina Romay) l'è na ragàsa dimóndi malnéta e purcùsa. Par lavōr la s cava śò in dal night ad Robert e 'l è lè ch'l'à cgnusû al sò muróś, al cantànt e puvéta Chris (Charles Christian). Mo esénd na ninfòmana patintàda la gh'à biśógn ad far sès anc cun di àtar, óm e dóni a n fà minga difarénsa. La taca acsè a 'ndàr a lèt cun la madùra Helen (Alice Arno), cun l’Ingrid ch'l'andàva a scōla sèg e cun la Katy.
Chris al n la tōś minga tant bèṅ e 'l taca a bévar pardénd acsè al lavōr.