Joan Baez

C'l artìcul chè 'l è scrit in Miranduléś

«

And here I sit, hand on the telephone, hearing a voice I'd known, a couple of light years ago, heading straight for a fall, as I remember your eyes were bluer than robin's eggs, my poetry was lousy you said, where are you calling from? A booth in the midwest ten years ago, I bought you some cufflinks, you brought me something, we both know what memories can bring, they bring diamonds and rust.»

(EN)(Diamonds And Rust, 1975)

«

E a sòṅ chè sintàda, la maṅ su 'l telèfun, scultànd na vóś ch'a cgnusìva un para 'd an luś fà in dal méntar ch'l'éra drē a 'ndàr incónt'r a 'l strabùc, e i m vìn'n in mènt i tò òć ch'i éran più blù di óṿ 'd un pètrós, at dgiv che la mè manéra 'd far dal pueśìi l'éra lòfi, da in du sēr-at drē a ciamàr? Na cabìna dal Midwest déś an fà, a t iva cumprâ 'n para 'd śmèj, anc tè 't m iva cumprâ quèl, a saém tut i dū cuś i pōlan purtàr sèg i arcòrd, i pòrtan diamànt e ruśna.»

(MUD)

La Joan Chandos Báez, cgnusùda méj cuma Joan Baez (New York, 9 ad Śnar dal 1941, a s lèś [dʒoʊn ˈbaɪz] in ingléś), l'è na cantànta americàna, cgnusùda anc p'r al sò impégn sivìl par la paś, 'l ambînt, i dirìt umàṅ e la lòta cóntar la miśèria, al guèri e la péna 'd mòrt.

L'è stada ligàda sentimentalmènt a Bob Dylan e l'è cgnusùda c'n al scutmàj ad “Ruśgnōl ad Woodstock” anc parchè la gh'à na bèla vóś ch'l'è bòna 'd tucàr tri utàvi 'd estensiòṅ.

Fra i sò pès più famóś a 'rcurdém Diamonds & Rust (scrita pinsànd a Dylan, in séguit sunàda anc da 'l grup heavy metal di Judas Priest), There But for Fortune, They Drove Old Dixie Down, We Shall Overcome, Love Is Just a Four-Letter Word, Farewell Angelina, Sweet Sir Galahad e Joe Hill. L'à anc cantâ in itagliàṅ la canta 'd Gianni Morandi C'era un ragazzo che come me amava i Beatles e i Rolling Stones.

In dla sò caréra l'à fat vgnir fóra 'n quèl cuma sinquànta àlbum. Da 'l 7 'd Avrìl dal 2017 al sò nóm al fà part dla Rock and Roll Hall of Fame.

Culegamènt estéran

(EN) Al sò sit ufisiàŀ