Jimmy Kimmel
|
C'l artìcul chè 'l è scrit in
Miranduléś |
James Christian Kimmel, cgnusû méj cuma Jimmy Kimmel (New York, 13 ad Nuvémbar dal 1967) 'l è 'n còmig, atōr, prudutōr e cundutōr televiśìṿ americàṅ, famóś p'r i sò prugràma The Man Show (insém a Adam Carolla), Win Ben Stein's Money (insém a Ben Stein) e Jimmy Kimmel Live! su 'l canàł ABC.
'L à cundót gl'Emmy Awards in dal 2012 e in dal 2016. Da 'l 2017 'l è inólt'r al preśentadōr dal nòt di Prèmi Òscar.
Biugrafìa
Nâ da na famìja catòlica cun di urìgini itagliàni (da part ad sò màdar raśdóra Iacono) e tedéschi (sò pàdar, dirigìnt d'l IBM), Jimmy al crés a New York pò a nóṿ an al và a star c'n i suo a Las Vegas in du al s diplòma a la Ed W. Clark High School. In chi an lè al taca a lauràr a la ràddio par pò pasàr a la televiśiòṅ a la fiṅ di an Nuànta.
In dal 2003 al dà vita a 'n prugràma tut suo su 'l canàł ABC, al Jimmy Kimmel Live!, ch'al cuntìnua anc adès.
Kimmel al s è spuśâ na prima vòlta cun l'atōra Gina Maddy ch'la gh'à dâ dū fiōli, la Katie (1991) e Kevin (1993). In dal 2013 'l à tòlt in mujér n'atra atōra, la Molly McNearney, avénd-ag sèg dū putèṅ, prima la Jane (2014) e pò William John (2017). Chi lò 'l è nâ c'n un brut mâł a 'l cōr e 'l è stâ custrét a patìr na prima uperasiòṅ quànd al gh'iva tri dè 'd vita e pò n'atr' incóra. Jimmy 'l à dascōrs ad cal fat chè in traśmisiòṅ, dgénd-as furtunâ che lò 'l à psû pagàr l'uperasiòṅ e che «Ninsòṅ al gh'arév d'èsar mis in dla puśisiòṅ ad decìdar s'al pōl parmét'r-as 'd salvàr la vita 'd sò fiōl, a sém stâ tirâ sù cardénd 'd vìv'r in un Paéś grand ma fiṅ a soquànt an fà migliòṅ ad parsòni i n psìvan minga cuntàr su 'l curi mèdichi»[1].
Filmugrafìa
- 1995 - Delinquent's Derby, regìa 'd Andy Hudson
- 2000 - Pazzo di te (Down to You), regìa ad Kris Isacsson
- 2002 - Il sogno di Calvin (Like Mike), regìa ad John Schultz
- 2006 - Danny Roane: First Time Director, regìa 'd Andy Dick
- 2008 - Hellboy: The Golden Army (Hellboy II: The Golden Army), regìa ad Guillermo del Toro
- 2012 - Project X - Una festa che spacca (Project X), regìa ad Project X
- 2015 - The Heyday of the Insensitive Bastards, regìa ad Mark Columbus, Lauren Hoekstra, Sarah Kruchowski, Ryan Moody, Simon Savelyev, Vanita Shastry, Shadae Lamar Smith, Jeremy David White e Jonathan King
- 2015 - Pitch Perfect 2, regìa dl'Elizabeth Banks
- 2015 - Ted 2, regìa ad Seth MacFarlane
- 2017 - Sandy Wexler, regìa ad Steven Brill
- 2017 - Brad's Status, regìa ad Mike White
Culegamènt estéran
Àtar prugèt
Wikiquote contiene citazioni di o su Jimmy Kimmel
Wikimedia Commons contiene file multimediali su Jimmy Kimmel
Nòti
- ↑ "Mè fiōl uperâ a 'l cōr dòp pôchi óri 'd vita": Jimmy Kimmel al cumōṿ l'Amèrica La Repubblica, 3 ad Maǵ dal 2017