Italiano per principianti
|
C'l artìcul chè 'l è scrit in
Miranduléś |
 Italiensk For Begyndere
| ||
| Italiano per principianti | ||
 Na figùra dal film | ||
| Itagliàṅ par prinsipiànt 2000 | ||
|---|---|---|
| Regìa: Lone Scherfig | ||
| Scritōr: Lone Scherfig | ||
| Atōr: Anders Wodskou Berthelsen • Rikke Wölck Anette Støvelbæk • Lars Kaalund • Carlo Barsotti Ann Eleonora Jørgensen • Sara Indrio Jensen Bent Mejding • Peter Gantzler • Lene Tiemroth | ||
| Müsica: Niels W. Gade | ||
| Léngua: Danéś • Itagliàṅ • Ingléś | ||
| Dürä dal film: 98 minüt | ||
| Nasiōṅ: Danimàrca • Śvèsia | ||
Italiano per principianti (Itagliàṅ par prinsipiànt) 'l è na cumèdia danéśa e śvedéśa dal 2000 dla Lone Scherfig ch'al fà part dal Manifèst Dogma. Par cal mutìṿ lè 'l à tòlt al nóm ad Dogme #12, al prim girâ par na dóna.
Al film 'l à purtâ a cà 'l Órs 'd Argìnt, al gran prèmi dla giurìa, a 'l Fèstival ad Berlîṅ dal 2001 e àtar prèmi incóra in tut al mónd. In Itâglia la pelìcula la n è briśa stada ardupiàda (la gh'à sōl i tìtui ad sóta) par parmét'r a i spetadōr ad scultàr i prutagunìsta ch'i próv'n a dascórar in Itagliàṅ.
Sunt
Soquànt persunàǵ tut put, tri dóni e tri óm, 'd un paiśèṅ darènt a Cupenàghen i tàc'n a 'ndàr a 'n cōrs 'd Itagliàn par prinsipiànt.
L’Olympia (Anette Støvelbæk) l'è na pastiséra fiōla 'd un pàdar padròṅ ch'al gh dà sémp'r adòs. Quànd na sira chi lò al mōr, 'l è al pastōr Andreas (Anders Wodskou Berthelsen), armàś véduv da pôc, a far-'g al funeràl. La Karen (Ann Eleonora Jørgensen) invéci la gh'à na butéga da paruchéra e na màdar alculiśàda misa dimóndi mâl. In un risturànt dal pòst a gh lavóra Halvfinn (Lars Kaalund), un camarēr ch'al tîṅ par la Juventus e ch'al gh'à un caràtar fumantèṅ. I gh'èṅ anc al timuróś purtinàr 'd albêrg Jørgen Mortensen (Peter Gantzler) ch'al gh'à al mâl dla lumàga da quàt'r an e ch'al s è inamurâ dla Giulia (Sara Indrio Jensen), na camarēra itagliàna ch'la s è stablìda in Danimàrca.
Durànt na lesiòṅ, a 'l mìstar Marcello (Matteo Valese) a gh vèṅ un cōlp e al mōr. 'L è Halvfinn, ch'al s la cava in dla léngua ad Dante e ch'in cal méntar 'l iva pardû al sò pòst ad lavōr, a tōr-'n al pòst par purtàr avànti al cōrs listés.
Quànd l’Olympia la s pòrta a cà 'n làsat, la vèṅ a savér 'd èsar la surèla dla Karen. Cun i bèsi mis in bisàca la decìd ad far un viàś a Venèsia cun tut al grup.