Il più bel giorno della mia vita
|
C'l artìcul chè 'l è scrit in
Miranduléś |
 Il più bel giorno della mia vita
| ||
 La Sandra Ceccarelli in na figùra dal film | ||
| Al dè più bèl dla mè vita 2002 | ||
|---|---|---|
| Regìa: Cristina Comencini | ||
| Scritōr: Cristina Comencini Giulia Calenda • Lucilla Schiaffino | ||
| Atōr: Margherita Buy • Sandra Ceccarelli Virna Lisi • Luigi Lo Cascio • Marco Baliani Marco Quaglia • Ricky Tognazzi • Gaia Conforzi Jean-Hugues Anglade • Francesco Scianna | ||
| Müsica: Franco Piersanti | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia • Régn Unî | ||
Il più bel giorno della mia vita (Al dè più bèl dla mè vita) 'l è 'n film dramàtic dal 2002 dla Cristina Comencini, fiōla dal regìsta Luigi e màdar dal manager Carlo Calenda.
La pelìcula, vinsidōra 'd dū Nàstar 'd Argìnt, l'è stada giràda a Róma e l'à muciâ sù dagnóra tri migliòṅ ad dòlar in gir p'r al mónd.
Sunt
L′Irene Mazzoni (Virna Lisi) l'è na vècia dimóndi ligàda a la famìja, a i valōr dna vòlta e a la sò vila. La gh'à tri fiōi: Claudio (Luigi Lo Cascio), avucàt ch'al viṿ mâł al fat 'd èsar fnòć e ch'al gh'à na relasiòṅ cun Luca (Marco Quaglia), la Sara (Margherita Buy), na védva sèmpar c'n al magòṅ da quànd 'l è mòrt sò marè e ch'adès la viṿ sōl spetànd che sò fiōl Marco (Francesco Scianna) al la vaga a catàr, e la Rita (Sandra Ceccarelli), spuśàda malvluntéra cun Carlo (Marco Baliani), inamuràda dal veretinàri Davide (Jean-Hugues Anglade) e cun dū fiōli da crésar, la Cecilia (Gaia Conforzi) e la Chiara (Maria Luisa De Crescenzo) ch'la gh'à da far la prima cumuniòṅ.
I tri fiōi i vrévan véndar la cà parchè par lōr l'è tròp granda e cal lavōr chè al fà patìr dimóndi l′Irene.