Il maniaco
|
C'l artìcul chè 'l è scrit in
Miranduléś |
 The Maniac
| ||
| Il maniaco | ||
 Mathews e la Nadia Gray in na figùra dal film | ||
| Al manìac 1963 | ||
|---|---|---|
| Regìa: Michael Carreras • Leslie Norman | ||
| Scritōr: Jimmy Sangster | ||
| Atōr: Kerwin Mathews • Nadia Gray • Norman Bird Donald Houston • Justine Lord • George Pastell Arnold Diamond • Liliane Brousse • Jerold Wells | ||
| Müsica: Stanley Black | ||
| Léngua: Ingléś • Francéś | ||
| Dürä dal film: 86 minüt | ||
| Nasiōṅ: Régn Unî | ||
Il maniaco (Al manìac) 'l è 'n thriller dal 1963 ad Michael Carreras.
Sunt
Jeff Farrell (Kerwin Mathews), 'l è 'n pitōr americàṅ in vacànsa in Frància insém a la sò muróśa, la Grace (Justine Lord). Dòp ès'r-as litgâ sèg la dóna la partìs da par lē in màchina par Nisa méntar lò 'l armàgn in dla campàgna dla Camàrga in dal mutèl dl’Eve Beynat (Nadia Gray), na dóna ch'l à pardû 'l marè Georges (Donald Houston) finî in manicòmi dòp ch'l iva masâ, bruśànd-al viṿ c'n un saldadōr, al viulentadōr ad sò fiōla Annette (Liliane Brousse).
Dòp avér fat al dōls cun l’Annette, Jeff al pasa pò a la madrìgna e, 'd acòrd cun sò marè, al strulga 'n piàṅ par libràr Georges che, in cambi dal sò ajùt, al gh lasarà l’Eve, tant fra i dū 'l è tut finî anc se l’Annette la n la tōś minga tant bèṅ. La fuga la gh'à sucès e Jeff al scaròsa Georges a Marsìglia in du al gh'à da ciapàr na nâṿ.
Al dè dòp 'l ispetōr Etienne (George Pastell) al và a far dal dmandi a l’Eve parchè sò marè 'l è sparî acsè cuma 'n infarmēr dal manicòmi. Andànd a far la spésa, Jeff al cata 'l sò cadàv'r in dal baùl dla màchina, pò qualchidòṅ al gh manda dū bómbuli 'd acetilèṅ, al gas ch'a s dróa par saldàr i metài. 'L è ciàr ch'l è òpra 'd Georges, giusà s'l è partî dabòṅ o s'al vōl sōl vindicàr-as di dū amànt.