Il cranio e il corvo
|
C'l artìcul chè 'l è scrit in
Miranduléś |
 The Mind Benders
| ||
| Il cranio e il corvo | ||
 Dirk Bogarde e la Mary Ure in na figùra dal film | ||
| Al crani e 'l córuv 1963 | ||
|---|---|---|
| Regìa: Basil Dearden | ||
| Scritōr: James Kennaway | ||
| Atōr: Dirk Bogarde • Mary Ure • John Clements Wendy Craig • Michael Bryant • Harold Goldblatt Geoffrey Keen • Terry Palmer • Norman Bird | ||
| Müsica: Georges Auric | ||
| Léngua: Ingléś | ||
| Dürä dal film: 109 minüt | ||
| Nasiōṅ: Régn Unî | ||
Il cranio e il corvo (Al crani e 'l córuv) 'l è 'n thriller dramàtic britànic dal 1963, girâ in biànc e négar, ad Basil Dearden. 'L è trat da 'n racònt ad James Kennaway da 'l tìtul “The Mindbenders”.
Sunt
Il prufesōr Sharpley (Harold Goldblatt), ch'l inséggna siénsi a l'università 'd Oxford, na sira al ś buta fóra da 'n trêṅ par cupàr-as. Sèg al gh'iva dimóndi bèsi e la pulisìa, ch'la 'l tgniva bèla 'd òć da tèmp parchè 'l éra 'n cumunìsta e 'l éra sèmpar par la paś, la pénsa ch'l àppia tradî la pàtria laurànd par di agînt furastēr, specialmènt Hall (John Clements) 'l è ad cl'idéa lè.
Andànd-'g a fónd méj però al vèṅ a savēr ch'al vèć 'l éra drē a lauràr a di esperimènt par védar cuś a sucéd a la gint quànd l'è lasàda da par lē par soquànt óri sénsa luś, sénsa sòṅ, sénsa magnàr, sénsa psēr naśàr quèl e séns tucàr gnint parchè tgnû stric cun na lasa in dl'àqua a temperadùra dal sangṿ sénsa pugiàr par tèra, iśulâ da tut. Qvél ch'a sucéd 'l è dvintàr mat, sigànd par l'angùstia, pardénd la vója 'd vlēr e daśmindgànd i fat dla sò vita cuma in dal lavàǵ dal sarvèl. Al 'l à saû faghénd 'l esperimènt su 'd lò insém a 'l sò culéga e dutōr Henry Longman (Dirk Bogarde). Par difénd'r al sò nóm da gl'atàc 'd Hall, Henry al decìd ad turnàr a far 'l esperimènt in prima parsòna ma quànd 'l è fóra al n s arcòrda piò 'l amōr ch'al gh'iva par sò mujér Oonagh (Mary Ure), màdar di sò quàtar fiōi e 'd òṅ ch'l è drē a rivàr.