Il bagno turco
|
C'l artìcul chè 'l è scrit in
Miranduléś |
 Il bagno turco
| ||
 Alessandro Gassmann in na figùra dal film | ||
| Al bagn turc 1997 | ||
|---|---|---|
| Regìa: Ferzan Özpetek | ||
| Scritōr: Stefano Tummolini Aldo Sambrell • Ferzan Özpetek | ||
| Atōr: Alessandro Gassmann • Francesca d'Aloja Carlo Cecchi • Halil Ergün • Mehmet Günsür Serif Sezer • Basak Köklükaya • Zozo Toledo | ||
| Müsica: Pivio • Aldo De Scalzi | ||
| Léngua: Itagliàṅ • Turc | ||
| Dürä dal film: 94 minüt | ||
| Nasiōṅ: Itàglia • Turchìa • Spaggna | ||
Il bagno turco (Al bagn turc) 'l è 'n film dramàtic dal 1997 ad Ferzan Özpetek, chè a 'l sò debùt.
'L è stâ preśentâ a 'l 50śum Fèstival ad Cannes in dla sesiòṅ „Quinzaine des Réalisateurs“.
Sunt
Francesco (Alessandro Gassmann) 'l è 'n architét ch'al gh'à 'n studi 'd prugetasiòṅ a Róma insém a sò mujēr, la Marta (Francesca d'Aloja), e a 'l sò sòci Paolo (Alberto Molinari). Quànd a mōr sò sîna Anita, chi lē la gh lasa un palàs a Ìstanbul in du na vòlta a gh'éra 'n bagn turc, sarâ però da soquànt an.
Francesco al partìs acsè par la Turchìa cun 'l intensiòṅ ad vénd'r incòsa. Quànd 'l è là al cgnós Osman (Halil Ergün) ch'al gh'iva in gestiòṅ al servìsi d'l hammam insém a la sò parènta. Tuta la sò famìja 'l al trata cuma òṅ 'd cà, anc se furastēr, e 'l architét al s fà amìg cun Mehmet (Mehmet Günsür), fiōl 'd Osman.
Piàn piàṅ Francesco al càmbia idéa e 'l decìd ad tgnir-'s al bagn turc e anc ad métar-'l a pòst, armagnénd lè è par soquànt tèmp. La Marta la riva a Ìstanbul par firmàr al carti dla separasiòṅ parchè 'l sò matrimòni 'l éra bèla in criśi da prima.