I delitti della luna piena
|
C'l artìcul chè 'l è scrit in
Miranduléś |
 Romasanta
| ||
| I delitti della luna piena | ||
 John Sharian in na figùra dal film | ||
| I masamènt dla luna pîna 2004 | ||
|---|---|---|
| Regìa: Paco Plaza | ||
| Scritōr: Alfredo Conde • Elena Serra • Alberto Marini | ||
| Atōr: Julian Sands • Elsa Pataky • John Sharian Gary Piquer • David Gant • Carlos Reig-Plaza Maru Valdivielso • Luna McGill • Ivana Baquero | ||
| Müsica: Mikel Salas | ||
| Léngua: Ingléś | ||
| Dürä dal film: 90 minüt | ||
| Nasiōṅ: Spaggna • Régn Unî • Itàglia | ||
I delitti della luna piena (I masamènt dla luna pîna) 'l è 'n film ad scarésa dal 2004 ad Paco Plaza ch'al tōś ispirasiòṅ da la vita dal venditōr ambulànt galisiàṅ visû in dal XIX sécul Manuel Blanco Romasanta, respunsàbil dla mòrt ad trédas parsòni e cgnusû méj cuma «'L Óm Lóv 'd Allariz».
Sunt
In dla Spaggna dal 1851, durànt na rapìna in na céśa, 'n óm ciamâ Antonio (John Sharian) al vîṅ śmarî da 'n lóv ch'l al guàrda fis in di òć e 'l óm 'l è sicûr ch'la bèstia la sia 'l Diàv'l in parsòna. In séguit in dal vilàǵ lè dintóran i tàc'n a murìr dimóndi parsòni ad nòt, tuti masàdi in di bòsc 'd Allariz par di atàc di lóv, anc s'in di cadàv'r i s càt'n anc di ségn ad scurtlàdi, fati par purtàr via 'l gras e far-an di savòṅ.
'L ambulànt Manuel Romasanta (Julian Sands), 'n óm ch'l è bòṅ anc ad scrìvar, sò mujēr María (Maru Valdivielso), sò fiōla Teresa (Luna McGill) ch'l'è muta e sò cugnàda Bárbara (Elsa Pataky) i decìd'n acsè ad lasàr la Galìsia p'r andàr a star a Santandèr ma a 'l ùltim la María la decìd ad lasàr a cà sò surèla parchè l'è gelóśa 'd lē pinsànd ch'la gh vója fargàr al marè. Lung al viàś però Manuel al masa la María e la Teresa, pò al tórn' in paéś par mét'r-as cun la Bárbara.
Antonio al taca a dar la casa a Romasanta dgnénd che lò 'l è 'n lóv manâr a dir dabòṅ.