Gli occhi di Tritone
|
C'l artìcul chè 'l è scrit in
Miranduléś |
 Ring Around the Moon
| ||
| Gli occhi di Tritone | ||
 La Barbara Bain in na figùra dal telefìlm | ||
| Gl'òć ad Tritòṅ 1976 | ||
|---|---|---|
| Gènar: Fantasiénsa | ||
| Stagiòṅ: 1 | ||
| Epiśòdi: 10 | ||
| Regìa: Ray Austin | ||
| Scritōr: Edward di Lorenzo | ||
| Atōr: Martin Landau • Barbara Bain • Nick Tate Barry Morse • Prentis Hancock • Zienia Merton | ||
| Mùśica: Vic Elms • Barry Gray | ||
| Duràda: 52 minùt | ||
| Léngua: Ingléś | ||
| Nasiòṅ: Régn Unî • Itàglia | ||
Gli occhi di Tritone (Gl'òć ad Tritòṅ) 'l è 'l dèć'm epiśòdi dla prima série dal telefilm Spazio 1999 (Spasi 1999) dirèt par Ray Austin. 'L è stâ prudót par la britànica ITC e par l'itagliàna RAI.
La senegiadùra 'l è ' Edward di Lorenzo. Al telefilm 'l è stâ pò girâ in Favràr e Mars dal 1974. 'L è stâ traśmìs par la prima vòlta in televiśiòṅ al 15 ad Śnar dal 1976.
Trama
Na bòcia 'd luś arànsa, sónda dal pianēd Tritòṅ, la s davśìna dimóndi a Alpha e pò la tōś al cuntròl dal tècnig Ted Clifford (Max Faulkner) par far in manéra che lò al gh pasìs dgl'infurmasiòṅ da 'l sarvèl letrònic dla baś. Lò 'l al fà schisànd dimóndi in présia i tast dal computer anc s'al n sà gnanc cum a s fà. Al parsòni ch'i próan a farmàr-al, ciamàdi in ajùt da la Sandra (Zienia Merton), Kano (Clifton Jones), Paul (Prentis Hancock) e John (Martin Landau) i li ciàpan da lò ch'al gh'à na fòrsa minga umàna. Dòp avér spedî via i dat, Ted al mōr.
Carter (Nick Tate) al partìs cun n'Àquila p'r andàr-'g a fónd ma a n gh'è gnint da far. In séguit la dutōra Helen Russell (Barbara Bain) la finìs a sò vòlta sóta 'l cuntròl dla sónda ch'la la spedìs incóra su Alpha p'r avér di atri infurmasiòṅ. C'l inflùs lè, ch'l impedìs a la dutōra 'd arvultàr-'s a 'l vlēr ad Tritòṅ, al và a mumènt e la dóna la sà ch'la n pōl minga scampàr a lung parchè al sarvèl umàṅ al n è mia bòṅ ad reśìst'r-ag par dimóndi tèmp.
In cal méntar al prufesōr Victor Bergman (Barry Morse), studiànd al sistéma sulàr dal pianēd, al vîṅ a savēr che Tritòṅ al n eśìst piò, spasâ via da 'l sò sōl. Koenig al próa a dascórar cun la sónda par cunvìnsar-la ch'la sò misiòṅ la n gh'à più sèns. Al sarvèl artifisiàł dla sónda l'arcgnós ch'al cmandànd al cònta la véra dònca la n gh'à più di mutìṿ par muciàr sù di dat in gir p'r al spasi. La sónda la s fà saltàr p'r ària e Alpha l'è salva.