Giochi nell'acqua
|
C'l artìcul chè 'l è scrit in
Miranduléś |
 Drowning by Numbers
| ||
| Giochi nell'acqua | ||
 La Richardson e Morrissey in na figùra dal film | ||
| Śōg in dl'àqua 1988 | ||
|---|---|---|
| Regìa: Peter Greenaway | ||
| Scritōr: Peter Greenaway | ||
| Atōr: Joan Plowright • Edward Tudor-Pole Juliet Stevenson • John Rogan • Bernard Hill Trevor Cooper • David Morrissey • Bryan Pringle Joely Richardson • Jose Berg • Vanni Corbellini | ||
| Müsica: Michael Nyman | ||
| Léngua: Ingléś | ||
| Dürä dal film: 118 minüt | ||
| Nasiōṅ: Régn Unî • Ulànda | ||
Giochi nell'acqua (Śōg in dl'àqua) 'l è 'n film dramàtic ingléś e ulandéś dal 1988 ad Peter Greenaway. 'L è stâ preśentâ a 'l 41śum Fèstival ad Cannes in dua 'l à vins al prèmi p'r al cuntribùt artìstic mijór.
A 'l èstar 'l è cgnusû c'n i nóm ad “Drowning by Numbers” in di marcâ ingléś (al tìtul uriginàl a vōl dir “Andgâ da i nùmar”), “Conspiración de mujeres” in Spaggna, “Maridos à Água” in Purtugàl, “Afogando em Números” in Braśìl, “Verschwörung der Frauen” in Germàgna e “Triple Assassinat dans le Suffolk” in Frància.
Sunt
Tri dóni ingléśi ch'i s ciàman tuti Cissie Colpitts, nóna (Joan Plowright), màdar (Juliet Stevenson) e anvōda (Joely Richardson) i màsan i sò marè òṅ dòp c'l àtar andgànd-i. La prima a far-al l'è la nóna ch'la fóga al sò spóś in dla vasca da bagn e la 'l fà parchè lò al gh mét i còran e pò 'l è anc 'n imbariagòs. Al dutōr Madgett (Bernard Hill) al fà finta 'd gnint p'r al fat ch'l è sò amìg e pò parchè al vrév purtàr-'s-la a lèt, lē e anc cgl'atri dū. Dòp ch'anc la màdar la fà fóra sò marè in mâr parchè al pénsa sōl a 'l lavōr e ch'la più śōvna la fà andgàr al sò óm, Bellamy (David Morrissey), in dla pisìna, Madgett al vōl pasàr a i fat ma 'l dóni i fóg'n anca lò durànt un gir in barca par stramnàr al séndri di marè in mâr.