C'l artìcul chè 'l è scrit in Miranduléś Emiliàn

Bongusto tòlt śò in dal 1975


«
Una rotonda sul mare, il nostro disco che suona, vedo gli amici ballare ma tu non sei qui con me, amore mio dimmi se sei triste così come me, dimmi se chi ci separò è sempre lì accanto a te, se tu sei felice con lui o rimpiangi qualcosa di me, io ti penso sempre sai, ti penso!»
(IT)(Una rotonda sul mare, 1964)
«
Na rutónda su 'l mâr, al nòstar disc ch'a sòna, a véd gl'amìg balàr ma tè ta n sē minga chè mèg, amōr dì'm s'at sē vilìda cumpàgn a mè, dì'm se qvél ch'al s à divìś 'l è sèmpar lè darènt a tè, s'at sē cuntènta sèg o s'at rimpiànś quèl ad mè, mè a t pèns sèmpar sà't? A t pèns!»
(MUD)

Alfredo Antonio Carlo Buongusto, cgnusû méj c'n al nóm 'd art ad Fred Bongusto (Campbàs, 6 'd Avrìl dal 1935 - Róma, 8 ad Nuvémbar dal 2019), 'l è stâ 'n cantànt e sunadōr itagliàṅ.

In dla sò caréra 'l à publicâ da piò ad trénta disc, catànd al sucès specialmènt in di an Ssanta e Stanta cun di pès cuma Una rotonda sul mare, Malaga, Spaghetti a Detroit, Amore fermati, Doce doce, Frida, Tre settimane da raccontare, La mia estate con te, Lunedì e Prima c'eri tu.

Bongusto 'l à anc scrit dimóndi culòni sunóri par di film cuma Un detective cun Franco Nero, Nonostante le apparenze... e purché la nazione non lo sappia... All'onorevole piacciono le donne ad Lucio Fulci, Malizia e Peccato veniale cun la Laura Antonelli, Fantozzi contro tutti cun Paolo Villaggio, Sesso e volentieri ad Dino Risi e Fotografando Patrizia ad Salvatore Samperi.