Francesco Gaetano Caltagirone
|
C'l artìcul chè 'l è scrit in
Miranduléś |
Francesco Gaetano Caltagirone, cgnusû anc cuma Franco Caltagirone (Róma, 2 ad Mars dal 1943, a s lèś [franˈtʃesko ɡa.eˈtaːno kaltadʒiˈroːne] in Itagliàṅ) 'l è 'n imprendidōr itagliàṅ, custrutōr in dal camp dl'edilìsia e anc editōr. In dal 2006 'l è stâ numinâ Cavalēr dal lavōr p'r al presidènt dla repùblica Giorgio Napolitano.
C'n un patrimòni ad dū migliàrd e quàt'r ad dòlar in dal 2018, par la rivìsta Forbes al s piàsa a 'l 20śum pòst in dla clasìfica di itagliàṅ più ric e a 'l 924śum pòst in dal mónd.
Finî a prucès a Milàṅ p'r insider trading, 'l è stâ cundanâ in prim grâd a tri an e siē méś in dal 2011, pò asòlt in apèl, pò custrét a 'rfàr al prucès 'd apèl da la Casasiòṅ, pò asòlt incóra in apèl e definitivamènt in Casasiòṅ in dal 2015.
Francesco Gaetano 'l è pad'r ad tri fiōi, Francesco, Alessandro e Azzurra, èx mujēr dal pulìtig bulgnéś Pier Ferdinando Casini, e imparentâ c'n al cavalēr Gaetano Caltagirone e Francesco Bellavista Caltagirone, padròṅ dal Grup Àqua Marsa.