Four Lions
|
C'l artìcul chè 'l è scrit in
Miranduléś |
 Four Lions
| ||
| Four Lions | ||
 Kayvan Novak e Riz Ahmed in na figùra dal film | ||
| Quàtar Lèòṅ 2010 | ||
|---|---|---|
| Regìa: Chris Morris | ||
| Scritōr: Chris Morris • Sam Bain • Simon Blackwell | ||
| Atōr: Riz Ahmed • Kayvan Novak • Nigel Lindsay Adeel Akhtar • Preeya Kalidas • Craig Parkinson | ||
| Müsica: Aphex Twin • Jeff Beck • Sherman Kelly | ||
| Léngua: Ingléś • Àrab • Urdu | ||
| Dürä dal film: 94 minüt | ||
| Nasiōṅ: Régn Unî • Frància | ||
Four Lions (Quàtar Lèòṅ) l'è na cumèdia négra ingléśa e francéśa dal 2010 ad Chris Morris. L'è stada prudóta c'n un budget ad dū migliòṅ e mèś ad sterlìni e la 'n à pò fati sù dagnóra sèt.
Sunt
Quàtar śōvan musulmàṅ ad Sheffield i vrévan dvintàr di suldâ par la Guèra santa. Al cap dal grup al s ciàma Omar (Riz Ahmed) e al fà la guàrdia giuràda, sò cugnâ mèś minciòṅ 'l è Waj (Kayvan Novak), pò a gh'è 'n ingléś cunvertî sèmp'r arliâ, Barry (Nigel Lindsay), e par finìr Faisal (Adeel Akhtar), òṅ ch'al gh'à la suca vōda e ch'al vrév insgnàr a i córuv a purtàr dal bómbi su i barsàj.
In dal méntar che Omar e Waj i èṅ in Pakistan a far di diśàstar durànt 'l adestramènt in un camp par terurìsta, Barry al cata sù 'n àt'r elemènt par la càuśa, Hassan (Arsher Ali). Dòp che Faisal al salta p'r ària par śbali, chi àt'r i decìd'n ad tōr part a na cursa a pē, cun di custùm ad carnevàł adòs, par far sćiupiàr dal bómbi lugàdi sóta i sò vistî sénsa dar in d'l òć.