Festen - Festa in famiglia

C'l artìcul chè 'l è scrit in Miranduléś Emiliàn

Festen
Festen - Festa in famiglia

Ulrich Thomsen in na figùra dal film
Festen - Fèsta in famìja
1998
Regìa: Thomas Vinterberg
Scritōr: Thomas Vinterberg • Mogens Rukov
Atōr: Ulrich ThomsenThomas Bo Larsen
Henning MoritzenPaprika SteenTrine Dyrholm
Müsica: Lars Bo Jensen
Léngua: DanéśTedéscIngléś
Dürä dal film: 105 minüt
Nasiōṅ: DanimàrcaŚvèsia


«
Tut al famìji i gh'aṅ di segrét.»
(Tagline dal film)


Festen - Festa in famiglia (Festen - Fèsta in famìja) 'l è 'n film dramàtic danéś e śvedéś dal 1998 ad Thomas Vinterberg, al prim girâ tgnénd adrē a 'l règhli dal Manifèst Dogma. Par cal mutìṿ lè 'l à tòlt al nóm ad Dogme #1.

Al film 'l à purtâ a cà 'l gran prèmi dla giurìa a 'l 51śum Fèstival ad Cannes.

Sunt

La famìja Klingenfeldt, ch'l'à fat i bèsi cun 'l asàł, la s riunìs tuta insém in dla vila 'd Helge (Henning Moritzen) par festegiàr i sò stànt' an. Par la fèsta i rìv'n anc i sò fiōi Michael (Thomas Bo Larsen), ch'al pèrd al cuntròl facilmènt e ch'al gh'à 'l visi dla butìglia, l’Helene (Paprika Steen) e qvél più grand, Christian (Ulrich Thomsen), ch'al gh'à 'n risturànt in Frància. Durànt al brìndas chi lò al śēla tut cuntànd che quànd 'l éra putèṅ sò pàdar 'l iva abuśâ 'd lò e 'd sò surèla Linda ch'la s éra pò tòlta la vita 'l an prima par l'angùstia.

I parènt a 'l inìsi i gh armàgnan dabòṅ ma pò, pinsànd a 'n schèrs, i cuntìnuan a magnàr e a rìdar anc se minga tant ad gust. Invéci ad scuśàr-as, Christian al gh dà dèntar dgénd che sò màdar Else (Birthe Neumann) la saìva incòsa anc se pò l'à fat finta 'd gnint.

Christian al vîṅ parâ via a bòti da sò fradèl Michael e da gl'òspit preśènt ma pò a salta fóra na létra dla Linda ch'la cunférma incòsa.

Culegamènt estéran