C'l artìcul chè 'l è scrit in Miranduléś Emiliàn

Fatti di gente perbene

Corrado Pani in na figùra dal film
Fat ad gint par bèṅ
1974
Regìa: Mauro Bolognini
Scritōr: Gianfranco Zurlini
Sergio Bazzini • Mauro Bolognini
Atōr: Giancarlo GianniniCatherine Deneuve
Fernando ReyTina AumontPaolo Bonacelli
Rina MorelliLaura BettiCorrado Pani
Giacomo Rossi StuartKim Rossi Stuart
Mario TessutoEttore ManniMarcel Bozzuffi
Müsica: Ennio Morricone
Léngua: Itagliàṅ
Dürä dal film: 120 minüt
Nasiōṅ: ItàgliaFrància


«
Al „caś Murri“ al viṿ incóra in un film.»
(Tagline dal film)


Fatti di gente perbene (Fat ad gint par bèṅ) 'l è 'n film dramàtic dal 1974 ad Mauro Bolognini ch'al tōś ispirasiòṅ da 'l prucès Murri d'l inìsi dal XX sécul.

La pelìcula l'à vins al Dàvid ad Dunatèl insém a Gruppo di famiglia in un interno e un Nàstar 'd Argìnt p'r i custùm dla Gabriella Pescucci.

Sunt

La bulgnéśa Linda Murri (Catherine Deneuve), fiōla dal famóś prufesōr ad madśìna dl'Università 'd Bulógna Augusto (Fernando Rey), làic e republicàṅ, la tórna a vìv'r insém a sò marè, al cònt reasiunàri Francesco Bonmartini (Paolo Bonacelli) ad Padva, p'r al bèṅ di sò fiōi pìcui, Giovanni (Kim Rossi Stuart) e la Maria (Loretta Rossi Stuart). I dū i s éran divìś parchè i n cumbinàvan briśa ma in tut al manéri i s èṅ pò mis 'd acòrd par far qvél ch'i vōlan e 'd védar ch'i vōlan lōr sénsa réndar cònt. La dóna la taca na relasiòṅ cun Carlo Secchi (Ettore Manni), èx studènt ad sò pàdar più vèć ad lē.

Tullio (Giancarlo Giannini), fradèl dla dóna e avucàt e cunsilēr cumunàł sucialìsta, sicûr che sò surèla la risćìs la vita armagnénd sèg, al decìd ad strulgàr un piàṅ par masàr sò cugnâ cun dal curâr, jutâ p'r al mèdag sò amìg Pio Naldi (Corrado Pani), un tisi c'n al visi dal śōg tant ch'l éra in buléta sparàda par via di dèbit ch'l iva fat. Méntar la Linda l'è a Venèsia c'n i sò fiōi, Tullio al và in dla vila 'd Francesco par masàr-al ma, a 'l ùltim, Pio al s tira indrē e Tullio 'l è custrét a far-al fóra da par lò a scurtlàdi, pò al fà pasàr al masamènt p'r un tintatìṿ ad rapìna da part 'd una dal putàni ch'al s purtàva in cà.

Al giùdas Stanzani (Marcel Bozzuffi), ch'al n è minga dl'idéa ch'l umisìdi al sia stâ fat da na rója par bèsi, al taca a dar adòs a 'l avucàt e a tuta la sò famìja esénd anc che lì lò 'l è 'n catòlig sfegatâ. Anc se Tullio 'l à cunfesâ 'd avēr fat tut da par lò, al giùdas al fà cundanàr anc la sò amànta minga tant a pòst, la Rosa Bonetti (Tina Aumont), la Linda, Secchi e anc Naldi.

In cal méntar la stampa cunservadōra e catòlica la s in prufìta dal caś par muntàr sù 'n scàndal cóntar sucialìsta e làic, acsè da favurìr la campàggna eleturàla dla dèstra.

Culegamènt estéran