Enigma rosso
|
C'l artìcul chè 'l è scrit in
Miranduléś |
 Enigma rosso
| ||
 La Liné, l'Avelli e Testi in na figùra dal film | ||
| Mistēr rós 1978 | ||
|---|---|---|
| Regìa: Alberto Negrin | ||
| Scritōr: Peter Berling • Marcello Coscia Franco Ferrini • Massimo Dallamano Alberto Negrin • Stefano Ubezio | ||
| Atōr: Fabio Testi • Brigitte Wagner • Ivan Desny Christine Kaufmann • Jack Taylor • Tony Isbert Bruno Alessandro • Helga Liné • Fausta Avelli | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 85 minüt | ||
| Nasiōṅ: Itàglia • Germàgna Òvest • Spaggna | ||
Enigma rosso (Mistēr rós) 'l è 'n film śal dal 1978 'd Alberto Negrin ch'l à tòlt al pòst ad Massimo Dallamano ch'in cal méntar 'l éra mòrt in 'n incidènt in màchina.
Al prutagunìsta dal film Fabio Testi 'l à cuntâ ch'al prudutōr dla pelìcula, dòp ch'éra stâ girâ mità dal film, al gh'à dit ch'i bèsi i éran finî dònca a gh'éra da sarnìr se finìr-'l a la bòna o dar-'g a muć. Gl'atōr i aṅ pò decìs ad finìr-al listés.
Sunt
L’Angela Russo, na śóvna studènta ad séd'ś an dal culéǵ “Santa Teresa D’Avila” par gint cun di bèsi, la vèṅ catàda mòrta tuta nûda davśèṅ a 'n fiùm in un sac ad plàstica. La sò mòrt l'è stada cauśàda da na viulénsa sesuàla fata insfilsànd-'g un cas ad légn tròp grôs dèntar ch'la gh'à fat pèrdar tròp sangṿ. Al caś al vèṅ dâ a 'l cumisàri Gianni Di Salvo (Fabio Testi) par via ch'a gh vaga a fónd. I gh daṅ na maṅ al sò asistènt (Bruno Alessandro) e 'l ispetōr Roccaglio (Ivan Desny). La muróśa ad Gianni, la Christina (Christine Kaufmann), però la n in pōl piò che lò al vaga sèmpar via par lavōr ad sira e la 'l mòla.
Al pulisiòt al taca a far dal dmandi a 'l sò cumpàgni ad cōrs, la Paola (Carolin Ohrner), la Virginia (Silvia Aguilar) e la Franca (Taida Urruzola), tri ragasōli ch'i éran dimóndi amìghi dl’Angela. La surèla più pìcula ad chi lē, l’Emilia (Fausta Avelli), la 'l mét in sla strada bòna quànd la gh dà la sò burséta pîna ad bèsi, ch'a n s sà minga da in du i daśvgnìsan, e anc al sò diàri. Lè insìma, tut i sàbat, al dè lìbar dal studènti, a gh'è disgnâ un gat sìmbul dla sarturìa dla sgnór Parravicini (Jack Taylor). Chi lò 'l éra stâ indagâ tèmp fà p'r un tràfic ad quàdar rubâ ma al gh'éra saltâ fóra pulî.
In cal méntar la Virginia la và a aburtìr in na clìnica ad nascòst, pròpria quànd i mōran la Paola e 'n śóvan ulandéś amìg dal studènti, Max van der Weyden (Tony Isbert), masâ méntar 'l éra drē a guidàr la sò mòta. Davśèṅ a i cadàvar a s cata sèmpar un fujét cun scrit insìma na fraś firmàda par "Nemesys": “Cur vèrs la mòrt, la mòrt la t vîṅ incóntar e tut i tò piaśēr i èṅ cuma tant ajér”.
Di Salvo al gh la cava, durànt un viàś in sal muntàgni rusi da śgriśōr, a far cunfesàr a Parravicini ch'al gh'éra insaplâ anca lò parchè al tgniva a drē a 'n gir ad prustitusiòṅ par cònt ad Max ma pò anc qvést chè al vèṅ cupâ in dla sò vila da qualchidòṅ che lò al cgnusìva bèṅ e ch'l iva tragatâ quèl sèg.